Fjölbreytt og aðgengileg klukkutímalöng dagskrá flutt af Sinfóníuhljómsveit Íslands ásamt Jóhanni Má Nardeau trompetleikara. Jóhann Már er einn af okkar efnilegustu hljóðfæraleikurum, fæddur árið 1987. Hann ólst upp í Skólahljómsveit Kópa vogs og lauk
námi frá Tónlistarskólanum í Reykjavík aðeins 18 ára að aldri. Jóhann stundar nú framhaldsnám við Konservatoríið í París. Hann hefur unnið til verðlauna í alþjóðlegum keppnum og komið fram á tónleikum með Sinfóníuhljómsveit Íslands og Sinfóníuhljómsveit unga fólksins auk þess að leika með hljómsveitum erlendis. Stjórnandi er Bernharður Wilkinson.

Á síðasta starfsári heimsótti Sinfóníuhljómsveit Íslands Norðurland og lék í Hofi, nýju og glæsilegu menningarhúsi. Mikil tilhlökkun er að halda norður á ný með tvö meistaraverk á efnisskránni: Sellókonsert nr. 1 í C-dúr eftir Haydn og Sinfóníu nr. 5 eftir Tsjajkovskíj sem ber höfundi sínum fagurt vitni. Bæði verkin eru einnig flutt í Hörpu af Sinfóníuhljómsveit Íslands á tónleikunum Austurrískum tónjöfrum og upphafstónleikum hljómsveitarinnar.

Töfraheimur Disneys lifnar við á tónleikum fyrir ævintýrafólk á öllum aldri þar sem leikin og sungin er ódauðleg tónlist úr smiðju Walts Disney. Framlag Disneys til teiknimyndanna er óþarft að kynna en hann hefur oftar en nokkur annar einstaklingur
hlotið Óskarsverðlaunin eftirsóttu. Á tónleikunum verða flutt eftirlætislög úr völdum myndum meistarans, syrpur í hljómsveitarbúningi og einsöngslög flutt af valinkunnum söngvurum í fremstu röð á Íslandi. Tónlist úr myndum Disneys hefur án efa ratað inn á fleiri heimili á heimsvísu en tónlist úr nokkrum öðrum myndum. Lögin hafa orðið að heimilisvinum og sem slík órjúfanlegur hluti af fallegum minningarbrotum bernskuáranna.

Töfraheimur Disneys lifnar við á tónleikum fyrir ævintýrafólk á öllum aldri þar sem leikin og sungin er ódauðleg tónlist úr smiðju Walts Disney. Framlag Disneys til teiknimyndanna er óþarft að kynna en hann hefur oftar en nokkur annar einstaklingur
hlotið Óskarsverðlaunin eftirsóttu. Á tónleikunum verða flutt eftirlætislög úr völdum myndum meistarans, syrpur í hljómsveitarbúningi og einsöngslög flutt af valinkunnum söngvurum í fremstu röð á Íslandi. Tónlist úr myndum Disneys hefur án efa ratað inn á fleiri heimili á heimsvísu en tónlist úr nokkrum öðrum myndum. Lögin hafa orðið að heimilisvinum og sem slík órjúfanlegur hluti af fallegum minningarbrotum bernskuáranna.

Töfraheimur Disneys lifnar við á tónleikum fyrir ævintýrafólk á öllum aldri þar sem leikin og sungin er ódauðleg tónlist úr smiðju Walts Disney. Framlag Disneys til teiknimyndanna er óþarft að kynna en hann hefur oftar en nokkur annar einstaklingur
hlotið Óskarsverðlaunin eftirsóttu. Á tónleikunum verða flutt eftirlætislög úr völdum myndum meistarans, syrpur í hljómsveitarbúningi og einsöngslög flutt af valinkunnum söngvurum í fremstu röð á Íslandi. Tónlist úr myndum Disneys hefur án efa ratað inn á fleiri heimili á heimsvísu en tónlist úr nokkrum öðrum myndum. Lögin hafa orðið að heimilisvinum og sem slík órjúfanlegur hluti af fallegum minningarbrotum bernskuáranna.

Barnastundin er ætluð yngstu hlustendunum. Í Barnastundinni er flutt tónlist í um það bil 30 mínútur í Hörpuhorni á 2. hæð fyrir framan Eldborg. Tónlistin og lengd Barnastundarinnar er sérstaklega sniðin að þeim hópi sem er of ungur til að sitja heila tónleika í Litla tónsprotanum. Barnastundin er börnum í fylgd forráðamanna sinna að kostnaðarlausu. Kynnir er trúðurinn Barbara og hljómsveitarstjóri er Guðmundur Óli Gunnarsson. Sérstakur gestur verður Maxímús Músíkús. Vinsamlega takið með ykkur púða til að sitja á.

AÐGANGUR ÓKEYPIS

Keisarakonsertinn er síðasti píanókonsertinn sem Beethoven samdi og sá tignarlegasti. Konsertinn gerir miklar kröfur til einleikarans, horfir fram á veginn hvað hljómaval og styrkleikabreytingar varðar. Keisarakonsertinn var saminn 1809 og frumfluttur í Leipzig 1811 af Friedrich Schneider og Gewandhaus hljómsveitinni.

Óratórían Kristur á Olíufjallinu (Christus am Ölberge) er nú flutt í fyrsta sinn á Íslandi. Óratórían, sú eina sem Beethoven samdi, er fyrir einsöngvara, kór og hljómsveit. Einsöngvararnir þrír, sópran, tenór og bassi, eru í hlut verkum engilsins, Jesú og Péturs postula.

Tónverk Beethovens skipa veigamikinn sess í verkefnaskrá Víkings Heiðars Ólafssonar. Víking þarf vart að kynna fyrir tónleikagestum, hann hefur leikið á mörgum ógleymanlegum tónleikum Sinfóníuhljómsveitarinnar undanfarin ár, meðal annars á opnunartónleikum Hörpu 2011, undir stjórn Ashkenazys.

John Williams er einn þekktasti og farsælasti tónsmiður í sögu Bandaríkjanna. Hann hefur verið tilnefndur í liðlega fjörutíu skipti til Óskarsverðlaunanna og hreppt þau fimm sinnum. Afrekalisti hans er of langur til að tæpa á hér en tónlist hans hefur öðlast alþjóðlega viðurkenningu og fádæma vinsældir. Í Stjörnustríðsmyndunum er áhorfandinn kynntur fyrir stjörnuþoku í órafjarlægð, nýrri veröld með fram andi verum. Á sama tíma hafa kvikmyndaunnendur uppgötvað, með tónlist Johns Williams, enn aðra veröld, þann magnaða hljóðheim sem hljóðfæri sinfóníuhljómsveitar skapa.

Óratórían Messías er eitt frægasta tónverk sem samið hefur verið og er víða ómissandi þáttur í jólaundirbúningnum. Fá meistaraverk sígildrar tónlistar eru jafn oft flutt við þvílíkar vinsældir og óratóría Händels. Händel var á miðjum aldri þegar hann samdi óratóríuna, hafði ferðast víða og þróað með sér sterkan persónulegan stíl – ókrýndur meistari sviðsuppfærslnanna.
Einvalalið söngvara kemur fram á þessum tónleikum. Helen-Jane Howells sópran hóf feril sinn sem tónlistarkennari, flautuleikari og djasssöngkona. Hún hefur meðal annars sungið með The Gabrieli Consort, The Academy of Ancient Music og Les Arts Florissant undir stjórn Williams Christie. Fyrir síðustu jól söng hún í árlegri uppfærslu á Messíasi við kertaljós í Royal Festival Hall.

Jólatónleikar Sinfóníunnar eru fastur liður í jólahaldi margra fjölskyldna á Íslandi. Í ár, sem endranær, verður hátíðleikinn í fyrirrúmi með þjóðlegu ívafi. Nýr jólaforleikur í hátíðarútsetningu Sigurðar Ingva Snorrasonar lítur dagsins ljós þar sem sígild íslensk jólalög eru í forgrunni. Jólasveinasvíta Guðna Franzsonar, með Halldóru Geirharðsdóttur sögumanni, leggur
út frá Jólasveinavísum Jóhannesar úr Kötlum og má vera að bæði Grýla og jólakötturinn gægist inn í Eldborgarsal Hörpu. Úr því þjóðlega er farið yfir í ástsælt erlent jólalag, Litla trommuleikarann, sem verður flutt af ungum slagverksnemendum. Trommuslátturinn kemur öllum í réttan takt fyrir glæsileg tilþrif nemenda Listdansskóla Íslands sem túlka sívinsælt tónverk
Howards Blake um Snjókarlinn

Á Vínartónleikunum 2013 hljómar sígild Vínartónlist undir stjórn Peters Guth sem er Íslendingum að góðu kunnur en hann hefur margsinnis stjórnað og leikið á fjörugum Vínartónleikum Sinfóníuhljómsveitarinnar. Guth hefur átt mikilli velgengni að fagna, bæði sem fiðluleikari og hljómsveitarstjóri. Hann hefur skapað sér nafn sem einn fremsti flytjandi heims á tónlist Strauss feðga og annarri Vínartónlist. Guth er eftirsóttur gestastjórnandi víða um heim og hvarvetna hlotið lof og framúrskarandi undirtektir við líflegri framkomu sinni og túlkun.

Leonard Bernstein markaði djúp spor í menningu Bandaríkjanna á 20. öld sem tónskáld, hljómsveitarstjóri, sjónvarpsstjarna, píanisti og kennari. Sjálfur var Bernstein gyðingur og hafa mörg verka hans skírskotun til gyðingatrúar. Svo er einnig farið með Chichester Psalms sem byggja á Davíðssálmum en eru sungnir á hebresku. Þrátt fyrir trúarlegan þunga textans er tónverkið iðandi af lífi.

Á tónleikum Sinfóníuhljómsveitarinnar á Myrkum músíkdögum verða frumflutt þrjú tónverk eftir þá Gunnar Andreas Kristinsson, Davíð Brynjar Franzson og Pál Ragnar Pálsson sem eru af yngri kynslóð íslenskra tónskálda. Auk þess verður flutt verkið Cheveux-de-frise eftir írska tónskáldið Gerald Barry. Verkið var pantað af BBC og vakti gríðarlega athygli þegar það var frumflutt á Proms-hátíðinni í London árið 1988. Gerald Barry nam hjá Stockhausen og Kagel en hann vakti fyrst eftirtekt 1979 með róttækum samspilsverkum á borð við '_______' og Ø.

Líklegt má telja að ekkert klassískt tón verk frá 20. öld hafi notið jafn mikilla vinsælda og Carmina Burana eftir þýska tónskáldið Carl Orff. Heiti verksins kemur úr handriti frá 12. og 13. öld þar sem er að finna trúar-, drykkjuog ástarsöngva. Upphafskaflinn O Fortuna, þar sem sungið er um gæfuhjólið sem snýst í sífellu og breytir stöðu manna á augabragði, er án efa þekktasti hluti verksins en tónlistina úr Carmina Burana má heyra víða, meðal annars í auglýsingum, kvikmyndum og tölvuleikjum.

Þriggja daga hátíð Sinfóníuhljómsveitar Íslands með nútímatónlist undir listrænni stjórn Ilans Volkov verður haldin öðru sinni. Tectonicstónlistarhátíðin sem hleypt var af stokkunum í marsmánuði í fyrra hlaut einróma lof innanlands sem utan. Á hátíðinni slást heimamenn í tónlist og listum í för með Sinfóníuhljómsveit Íslands og kynna fjölbreytt verk á nýjan og einstæðan máta. Ýmis rými Hörpu ásamt ólíkum eiginleikum og hljóðvistarlandslagi tónleikasala hússins verða nýtt til hins ýtrasta.

Kaupa hátíðarpassaKaupa dagpassa

Sinfóníuhljómsveit Íslands spilar í Hörpu fyrir EVE Fanfest 2013. Glænýjum og öðruvísi viðburði hefur verið bætt við dagskrá Sinfóníuhljómsveitar Íslands í Hörpu 24. apríl. EVE Online, hinn heimsþekkti sýndarveruleiki sem þróaður hefur verið af íslenska tölvuleikjafyrirtækinu CCP Games, heldur upp á tíu ára afmæli sitt á næsta ári, og í tilefni þess mun Sinfóníuhljómsveitin spila tónlist úr EVE Online og marka þar með byrjun hátíðahaldanna fyrir EVE spilarahátíðina sem fram munu fara í apríl á næsta ári. Hægt verður að sjá svipbrot af mikilli sjónrænni fegurð leikjarins á hvíta tjaldinu á meðan á tónleikunum stendur. Missið ekki af þessari einstöku upplifun!

Barnastundin er ætluð yngstu hlustendunum. Í Barnastundinni er flutt tónlist í um það bil 30 mínútur í opnu rými á 2. hæð fyrir framan Eldborg. Tónlistin og lengd Barnastundarinnar er sérstaklega sniðin að þeim hópi sem er of ungur til að sitja heila tónleika í Litla tónsprotanum. Barnastundin með Sinfóníunni er börnum í fylgd forráðamanna sinna að kostnaðarlausu. Kynnir í Barnastundinni er trúðurinn Barbara og hljómsveitarstjóri er Bernharður Wilkinson. Sérstakur gestur er Maxímús Músíkús.
Vinsamlega takið með ykkur púða til að sitja á.

Listahátíð í Reykjavík leiðir saman Sinfóníuhljómsveit Íslands og Íslenska dansflokkinn, sem dansar nú í fyrsta sinn við lifandi tónlistarflutning á Eldborgarsviði Hörpu. Hljómsveitin og dansflokkurinn flytja saman tvö af danstónverkum Stravinskíjs, Vorblótið og Petrúska. Verk hins unga Igors mörkuðu djúp spor í tónlistarsöguna fyrir 100 árum, á einu frjóasta tímabili í listsköpun 20. aldar.