Fræðslustarf

Inngangur í hinn sinfóníska heim

Fyrir utan fjölskyldutónleikana, Litla tónsprotann og Heyrðu mig nú!, sem ætlaðir eru ungu fólki á öllum aldri, heldur Sinfóníuhljómsveit Íslands leik- og grunnskólatónleika á hverju ári fyrir um 8000 börn á aldrinum 4-15 ára við frábærar undirtektir.

Undanfarin ár hefur SÍ staðið fyrir vikulöngum tónsköpunarverkefnum í grunnskólum Reykjavíkur í samstarfi við Þórdísi Heiðu Kristjánsdóttur og Hildi Guðnýju Þórhallsdóttur.

Hljóðfæraleikarar úr SÍ vinna með nemendum að því að semja tónverk sem að lokum er flutt á tónleikum innan skólans. Þetta verkefni hefur notið mikilla vinsælda hjá nemendum sem mörg hver taka með þessum hætti þátt í lifandi tónlistarflutningi í fyrsta sinn.