EN

Tónskáldið er dautt!

Fyrir 3.-7. bekk grunnskóla í Eldborg 

Fyrir 3.-7. bekk grunnskóla í Eldborg

Miðvikudagur 31. maí 2017 kl. 09:30
Miðvikudagur 31. maí 2017 kl. 11:00
Fimmtudagur 1. júní 2017 kl. 09:30
Fimmtudagur 1. júní 2017 kl. 11:00

Hljómsveitarstjóri Bernharður Wilkinson
Kynnir Bragi Valdimar Skúlason

Hefur þú heyrt það nýjasta frá Sinfó? —Tónskáldið er dautt!

Hafir þú heyrt hljómsveit leika listir sínar þá veistu að hljóðfærin hafa augljóslega eitthvað á samviskunni. Hvar nákvæmlega voru lágfiðlurnar umrætt kvöld? Varð einhver var við hörpuna? Eru skýringar trompetsins ekki ögn of kæruleysislegar? Í þessari flóknu morðgátu virðast allir hafa ástæðu, höggþétta fjarvistarsönnun — auk þess sem nánast allir gátu nýtt færið, hljóðfærið. En það breytir því ekki, að tónskáldið er dautt.

Þú gætir leyst gátuna upp á þitt einsdæmi. Taktu þátt í yfirheyrslunum yfir hinum grunuðu og leggðu við hlustir. Þú gætir heyrt nákvæmlega hvað gerðist þetta örlaga– og raunar almennt lagaríka kvöld.

Tónleikarnir vara í u.þ.b. 40 mínútur

 

Óskir um bókun / tóneikarnir eru uppbókaðir 

Óski skóli eftir því að bóka nemendur á skólatónleikana þarf að senda tölvupóst með eftirfarandi upplýsingum: 

- Heiti tónleika sem óskað er eftir
- Dag- og tímasetning sem óskað er eftir
- Heildarfjöldi sæta (nemendur og fylgdarmenn)
- Í hvaða árgangi nemendur eru (t.d. 3. bekkur, á við alla nema leikskóla)
- Netfang og símanúmer tengiliðs skólans 

skolatonleikar@sinfonia.is