EN

Ungsveit SÍ 2017

Umsóknafrestur er til 1. apríl

Hljómsveitarnámskeið Ungsveitar Sinfóníuhljómsveitar Íslands 2017 stendur frá 
mánudeginum 28. ágúst til sunnudagsins 24. september. Að þessu sinni verður verkefni 
Ungsveitarinnar Vorblót Stravinskíjs.

Rússneski hljómsveitarstjórinn Daniel Raiskin stjórnar Ungsveitinni í ár. 
Hljómsveitarnámskeiðinu lýkur með glæsilegum tónleikum í Hörpu, 24. september kl. 17:00.

Prufuspil og umspil um sæti í Ungsveit SÍ 2017 verða haldin fyrir öll hljóðfæri 
þriðjudaginn 2. og miðvikudaginn 3. maí í Hörpu.

Allir nemendur þurfa að sækja um til að leika með hljómsveitinni, líka þeir sem 
spiluðu með síðast. Nýjir meðlimir prufuspila inn í hljómsveitina en eldri meðlimir leika 
um sæti í sveitinni. 

Umsóknarfrestur er til miðnættis 1. apríl.


SÆKJA UMSÓKNAREYÐUBLAÐ

 

Umsækjendur fá staðfestingu á að umsókn hafi verið móttekin. Prufuspilspartar verða sendir út til nemenda í tölvupósti eftir að umsókn hefur borist en prufuspilstímar verða sendir öllum umsækjendum eftir að umsóknarfrestur rennur út.

Sérstök prufuspil verða haldin um stöðu konsertmeistara sem fara fram annan hvorn prufuspilsdaginn þ.e. 2. eða 3. maí. Hver umsækjandi þarf að leika fyrsta þátt úr fiðlukonsert nr. 3, 4 eða 5 eftir W.A. Mozart, ásamt kadenzu. Leikið er án píanómeðleiks.

Þeim sem ekki geta mætt í prufuspilið er bent á að senda inn myndbandsupptöku með hljóði í góðum gæðum á neðangreint netfang. Ekki er hægt að sækja um konsertmeistarastöðu með innsendu myndbandi. Dómnefnd getur hins vegar farið fram á að hljóðfæraleikari sem sendir inn myndband verði látin leika um sæti innan sinnar deildar að hausti.

Nemendum sem standast prufuspil verður boðið sæti í Ungsveit SÍ 2017 og þurfa þeir við upphaf námskeiðsins að greiða 10.000 kr. skráningargjald sem er óafturkræft.

Vinsamlegast athugið að Ungsveit SÍ er aðallega hugsuð sem vettvangur fyrir samspil nemenda sem lokið hafa miðprófi hið minnsta. Mikil samkeppni er um sæti í Ungsveitinni og þess vegna er lykilatriði að koma vel undirbúin/undirbúinn til leiks.

Upplýsingar um Ungsveit SÍ 2017 veitir
Hjördís Ástráðsdóttir, fræðslustjóri
Sími 5452504/8988934
hjordis@sinfonia.is