Ungsveitarnámskeið SÍ
Næsta námskeið Ungsveitarinnar verður haldið 16.-29. september 2024. Opið er fyrir umsóknir um prufuspil til miðnættis 22. febrúar. Sjá nánar hér .
Hljómsveitarnámskeið Ungsveitar Sinfóníuhljómsveitar Íslands 2024 stendur frá mánudeginum 16. september til sunnudagsins 29. september 2024. Verkefni Ungsveitarinnar að þessu sinni er Sinfónía nr. 9 frá Nýja heiminum eftir Dvorák og Fanfare for the Common Man eftir Copland undir stjórn Nathanaël Iselin. Hljómsveitarnámskeiðinu lýkur með glæsilegum stórtónleikum í Eldborg, Hörpu, sunnudaginn 29. september kl. 17:00.
Umsóknareyðublað fyrir Ungsveit Sinfóníuhljómsveitar Íslands 2024 er að finna hér . Það þarf að fylla út og senda í tölvupósti á Hjördísi Ástráðssdóttur fræðslustjóra á hjordis.astradsdottir@sinfonia.is. Allir nemendur þurfa að sækja um til að eiga möguleika á þátttöku, einnig þeir sem hafa leikið áður með Ungsveitinni. Umsóknarfrestur er til miðnættis 22. febrúar næstkomandi.
Ungsveitin er hugsuð sem vettvangur fyrir samspil tónlistarnemenda sem lokið hafa miðprófi. Henni er ætlað að gefa nemendum tækifæri á að kynnast starfsumhverfi atvinnuhljóðfæraleikara, auk þess sem nemendur fá að starfa með hljóðfæraleikurum og hljómsveitarstjórum á heimsmælikvarða.
nánari upplýsingar fyrir umsækjendur
Upplýsingar um Ungsveit SÍ 2023 veitir
Hjördís Ástráðsdóttir, fræðslustjóri
Sími 5452504/8988934
hjordis@sinfonia.is