VÍS og Sinfóníuhljómsveit Íslands hafa undirritað samning um að VÍS verði einn af aðalstyrktaraðilum hljómsveitarinnar næstu þrjú starfsárin. Það voru Guðmudur Örn Gunnarsson forstjóri VÍS og Sigurður Nordal framkvæmdastjóri Sinfóníuhljómsveitarinnar sem undirrituðu samstarfssamninginn sem gildir til ársins 2013.

Tónlistarhúsið Harpa og Sinfóníuhljómsveit Íslands efna til samkeppni um nýtt tónverk sem frumflutt verður við opnunarhátíð Hörpu í maí 2011.

Miðað er við að tónverkið sé 5-10 mínútur að lengd og skal það samið fyrir sinfóníuhljómsveit (að hámarki 3.3.3.3. 4.3.3.1, 3slv + pákur, píanó/selesta, harpa, strengir). Verkið skal hæfa tilefninu og er mælst til þess að höfundar notfæri sér hin ýmsu fjölbreyttu litbrigði sinfóníuhljómsveitarinnar.

Verðlaunafé er kr. 1.000.000.

Harpa verður formlega opnuð þann 4. maí 2011með tónleikum Sinfóníuhljómsveitar Íslands undir stjórn Vladimir Ashkenazy. Föstudaginn 13. maí verður glæsileg opnunardagskrá sem sjónvarpað verður beint í Ríkissjónvarpinu. Opnunardagskráin verður kynnt í haust en þar verður boðið upp á fjölbreytta tónlistarviðburði. Vladimir Ashkenazy og Jasper Parrott eru listrænir ráðgjafar Hörpu auk Listráðs Hörpu.

Vinafélag Sinfóníuhljómsveitar Íslands heldur tónleikakynningu á undan Sinfóníutónleikum fimmtudagskvöldið 6. maí nk. Árni Heimir Ingólfsson tónlistarstjóri SÍ fjallar um Vorsinfóníuna eftir Schumann og píanókonsert nr. 1 eftir Brahms, auk þess sem hann segir frá því sem ber hæst á næsta starfsári hljómsveitarinnar. Kynningin fer fram í Safnaðarheimili Neskirkju og hefst kl. 18. Hægt er að kaupa ljúffenga súpu á 1500 kr. Allir eru velkomnir.

Aðalfundur Vinafélags SÍ verður haldinn fyrir kynninguna og hefst hann kl. 17.30.

Kominn er á markað þriðji hljómdiskurinn í útgáfuröð breska plötuforlagsins Chandos þar sem Sinfóníuhljómsveit Íslands flytur tónverk eftir Vincent d'Indy. Á diskinum er að finna þriðju sinfóníu tónskáldsins auk smærri verka, meðal annars Choral Varié fyrir saxófón og hljómsveit, þar sem Sigurður Flosason fer með einleikshlutverkið. Stjórnandi á diskinum er Rumon Gamba, aðalstjórnandi SÍ.

Sinfóníuhljómsveit Íslands hélt ferna leikskólatónleika 16. og 17. apríl fyrir tæplega 4000 börn. Laugardaginn 17. apríl var svo uppselt á tvenna fjölskyldutónleika kl. 14 og 17.

 Árni Heimir Ingólfsson tónlistarfræðingur og tónlistarstjóri SÍ heldur fræðandi og skemmtilegan fyrirlestur um verkin á tónleikunum á súpufundi sem haldin er á Kaffitorginu í Safnaðarheimili Neskirkju kl. 18.00 á tónleikadag. 
Aðgangur er ókeypis - allir velkomnir.
Þeir sem vilja geta keypt ljúffenga súpu á aðeins 1.500 krónur.

Árni Heimir Ingólfsson tónlistarfræðingur og tónlistarstjóri SÍ heldur fræðandi og skemmtilegan fyrirlestur um verkin á afmælistónleikunum á súpufundi sem haldin er á Kaffitorginu í Safnaðarheimili Neskirkju kl. 18.00 á tónleikadag. 

Aðgangur er ókeypis - allir velkomnir.

Þeir sem vilja geta keypt ljúffenga súpu á aðeins 1.500 krónur.

Skráðu þig á póstlistann okkar og fáðu reglulegar fréttir af starfi hljómsveitarinnar og óvænt tilboð. 17. desember verða þrjú netföng dregin út og fá þeir heppnu bókina  Líf í tónum sem  er ný ævisaga Jóns Leifs rituð af Árna Heimi, tónlistarfræðingi og tónlistarstjóra SÍ.

Árni Heimir Ingólfsson tónlistarfræðingur og tónlistarstjóri SÍ kynnir verkin sem á leikin verða á tónleikum kvöldsins, píanókonsertinn eftir Schumann og Sinfóníu nr. 4 eftir Brahms. Hann rekur tilurð tónlistarinnar, segir frá örlagaríkri vináttur tónskáldanna og ást þeirra á Clöru Schuman.

Samkeppni Listaháskólans og SÍ um að fá að koma fram með Sinfóníuhljómsveit Íslands á tónleikum ungra einleikara 14. janúar 2010 fór fram í Háskólabíói 2. og 3. nóvember. Alls tóku ellefu nemendur þátt og dómnefnd úrskurðaði tvo þeirra hæfa til að koma fram á tónleikunum með SÍ. Þeir eru: Helga Svala Sigurðardóttir, flautuleikari og Matthías Sigurðsson, klarínettuleikari. Bæði eru þau nemendur við Tónlistarskólann í Reykjavík.

Enginn annar en Svarthöfði úr Stjörnustríði steig á svið og stjórnaði Sinfóníuhljómsveit Íslands. Myndskeið af tónleikunum hefur ratað inn á vefsvæði CNN sjónvarpsstöðvarinnar.

Myndskeiðið á CNN

Sinfóníuhljómsveit Íslands býður grunnskólabörnum í  4-7 bekk á tónleika í Háskólabíói 8. og 9. október.

Á  tónleikunum mun Sinfóníuhljómsveitin flytja Eldfuglinn eftir Ígor Stavinskíj. Rumon Gamba aðalhjómsveitarstjóri hljómsveitarinnar mun halda um sprotann og Halldóra Geirharðsdóttir leikkona er sögumaður.

Árni Heimir Ingólfsson, tónlistarstjóri SÍ, hélt fyrirlestur um íslenska tónlist við Harvard-háskóla laugardaginn 3. október síðastliðinn. Fyrirlesturinn bar yfirskriftina „Echoes from the Periphery: Rask 98, Modal Change, and Oral Transmission in 17th-century Iceland“ og var hluti ráðstefnu sem haldin var til heiðurs Thomas Kelly, sem er prófessor í miðaldatónlist við Harvard.

Ungsveit SÍ flutti hina magnþrungnu fimmtu sinfóníu Sjostakovitsj undir stjórn Rumons Gamba á tónleikum í Háskólabíói laugardaginn 26. september. Góð mæting var á tónleikana og stemmningin var frábær á þessum fyrstu tónleikum Ungsveitarinnar.

Sinfóníuhljómsveit Íslands hljóðritaði þriðja geisladisk sinn með verkum franska tónskáldsins Vincent d'Indy fyrir Chandos-útgáfuna nú um miðjan september. Eins og áður stýrði Rumon Gamba hljómsveitinni, en auk þess lék Sigurður Flosason einleik á saxófón í verkinu Choral varié.  Einnig var hljóðrituð þriðja sinfónía tónskáldsins, auk tveggja smærri hljómsveitarverka.

Tónleikar með Ashkenazy og opin æfing með Maxímús. Allir velkomnir og frítt inn.

Nú er sextugasta starfsár Sinfóníuhljómsveitar Íslands að hefjast og við bjóðum öllum á opið hús í Háskólabíói laugardaginn 5. september. Efnisskrá starfsársins verður kynnt og börnum og fullorðnum skemmt með tónlist og uppákomum.