Maxímús músíkús í útrás

10.5.2009

Fulltrúar fjögurra stærstu hljómsveita Evrópu komu til landsins til að fylgjast með fjölskyldutónleikum músarinnar með Sinfóníuhljómsveit Íslands í Háskólabíói á lagardaginn. Hópurinn var hingað kominn til að kynna sér verkefnið og flutning þess á tónleikum. Vladimir Ashkenazy er verndari verkefnisins en á síðustu misserum hefur Hallfríður Ólafsdóttir höfundur Maxímúsar Músíkúsar leitað leiða til að kynna tónlistardagskrána og bókina erlendis. Gestirnir sem komu voru þau Cathy Milliken, fræðslustjóri Berlínarfílharmóníunnar; Philip Flood, fræðslustjóri London Symphony Orchestra; Charlott Runevret, fulltrúi fræðslustjóra Konunglegu Fílharmóníunnar í Stokkhólmi og Marga Wobma-Helmich, fræðslustjóri Concertgebouw tónlistarhússins í Amsterdam. Tónleikunum var ótrúlega vel tekið af erlendu gestunum en ekki síður af krökkunum sem skemmtu sér konunglega og klöppuðu mikið og vel fyrir músinni og hjómsveitinni að tónleikum loknum.

Senda grein