Sinfóníuhljómsveit Íslands - Fréttasafn

Tónskáldastofa 27. janúar kl. 9:30

Wed, 11 Jan 2012 00:00:00 +0000

Tónskáldastofa í Eldborg föstudaginn 27. janúar kl. 9:30-11:30

Föstudaginn 27. janúar efnir Sinfóníuhljómsveitin í annað sinn til Tónskáldastofu, þar sem þrjú íslensk tónskáld undir 35 ára aldri fá þjálfun og leiðsögn í að skrifa verk fyrir sinfóníuhljómsveit.

Valið er úr innsendum verkum og í ár var það danska tónskáldið Hans Abrahamsen sem valdi tónverkin Lancharan eftir Gunnar Karl Másson, Grafgötu eftir Guðmund Stein Gunnarsson og Kviku eftir Kristján Guðjónsson. Hljómsveitarstjóri er Ilan Volkov og fá tónskáldin athugasemdir og leiðbeiningar frá honum, hljómsveitarmeðlimum og tónskáldinu Hans Abrahamsen eftir flutninginn.

Með Tónskáldastofu tekur SÍ virkan þátt í uppeldi íslenskra hljómsveitartónskálda.

Tónskáldastofan er opin öllum og er aðgangur er ókeypis.

Sinfónían tilnefnd til Íslensku tónlistarverðlaunanna

Mon, 19 Dec 2011 14:17:00 +0000

Sinfóníuhljómsveitin hlýtur tvær tilnefningar til Íslensku tónlistarverðlaunanna í ár; annarsvegar sem tónlistarflytjandi ársins í flokki sígildrar- og samtímatónlistar og hinsvegar íflokki tónlistarviðburða ársins fyrir Opnunartónleika hljómsveitarinnar í Hörpu í maí sl.

Í mati dómnefndar segir; „Sinfóníuhljómsveit Íslands er einn af máttarstólpum íslensks tónlistarlífs og hefur blómstrað í nýju húsi á þessu ári.“

Úrslit í einleikarakeppni LHÍ og SÍ

Wed, 16 Nov 2011 14:45:00 +0000

Dagana 11. og 12. nóvember síðastliðinn fór fram samkeppni Listaháskólans og Sinfóníuhljómsveitar Íslands um þátttöku einleikara eða einsöngvara á tónleikum hljómsveitarinnar þann 12. janúar næstkomandi. Keppnin var ætluð tónlistarnemendum sem eru á bakkalárstigi í sínu námi.

Þáttakendur voru 14 að þessu sinni, fimm hljóðfæraleikarar og níu söngvarar. Sex manna dómnefnd valdi fjóra keppendur. Þeir eru Chrissie Thelma Guðmundsdóttir, fiðluleikari, Elín Arnardóttir, píanóleikari, Hrafnhildur Árnadóttir, söngkona, og Ísak Ríkharðsson, fiðluleikari.

SÍ ræður nýja starfmenn

Tue, 15 Nov 2011 14:39:00 +0000

Una Eyþórsdóttir hefur verið ráðin mannauðsstjóri SÍ frá og með 1. desember nk. og Hjördís Ástráðsdóttir hefur verið ráðin fræðslustjóri SÍ og mun hún hefja störf 1. janúar .

Sigríður og Sigurður -Nýr diskur

Mon, 14 Nov 2011 12:17:00 +0000

Sigríður Thorlacius og Sigurður Guðmundsson ásamt SÍ

Grunnskólabörnum boðið á tónleika

Fri, 11 Nov 2011 11:18:00 +0000

Í næstu viku býður hljómsveitin gunnskólanemum úr 5-7 bekk á tónleika þar sem hljómsvein kynnir sig og krökkunum gefst tækifæri til að kynnast hljóðfærunum betur. Haldnir veða þrennir tónleikar í Eldborg enda munum við taka á móti allt að 3000 nemendum.

Kynnir á tónleikunum er Halldóra Geirharðsdóttir leikkona en hún hefur einstakt lag á að opna heim tónlistarinnar fyrir börnum, auka upplifun þeirra og ánægju. Hjómsveitarstjóri er Bernharður Wilkinson.

Samningar undirritaðir - verkfalli aflýst

Wed, 2 Nov 2011 20:30:00 +0000

Hljóðfæraleikarar Sinfóníuhljómsveitar Íslands undirrituðu kjarasamning í húsi ríkissáttasemjara nú á áttunda tímanum í kvöld. Verkfall hefur verið afboðað og ljóst að fyrirhugaðir tónleikar á fimmtudag og föstudag verða haldnir.

Kjaraviðræður standa yfir

Wed, 2 Nov 2011 15:12:00 +0000

Kjaraviðræður hljóðfæraleikara Sinfóníuhljómsveitar Íslands og ríkisins sanda nú yfir hjá ríkissáttasemjara og verið er að leita allra leiða svo ekki komi til boðaðra verkfallsaðgerða þann 3. og 4. nóvember næstkomandi.

Hægt er að fylgjast með fréttum af gangi mála hér á vefnum og í fjölmiðlum.

Ef til verkalls kemur verður þeim sem hafa keypt miða á tónleikana boðið að koma á aðra tónleika eða að fá miðana endurgreidda.

Ályktun stjórnar Sinfóníuhljómsveitar Íslands

Sat, 22 Oct 2011 15:06:00 +0000

Ályktun stjórnar Sinfóníuhljómsveitar Íslands vegna stöðu kjaraviðræðna hljóðfæraleikara Sinfóníuhljómsveitarinnar og ríkisins.

Stjórn Sinfóníuhljómsveitar Íslands lýsir yfir þungum áhyggjum af stöðu mála í kjaraviðræðum hljóðfæraleikara Sinfóníuhljómsveitarinnar og ríkisins. Stjórnin hvetur málsaðila til að leita allra leiða svo ekki komi til boðaðra verkfallsaðgerða þann 3. nóvember næstkomandi.

Ungsveitin hefur æfingar í Hörpu

Mon, 17 Oct 2011 11:02:00 +0000

Hljómsveitarnámskeið Ungsveitarinnar mun standa frá laugardeginum 15. október til sunnudagsins 6. nóvember 2011. Þetta er í Þriðja sinn Sinfóníuhljómsveit Íslands heldur námskeiðið og að þessu sinni fer það fram í Hörpu og endar með tónleikum í Eldborg sunnudaginn 6. nóvember kl. 14:00.

Að þessu sinni mun verkefni hljómsveitarinnar vera hin stórbrotna sinfónía nr. 5 eftir Mahler. Svissneski hljómsveitarstjórinn Baldur Brönnimann mun stjórna námskeiðinu en jafnframt munu nemendur njóta leiðsagnar leiðandi hljóðfæraleikara SÍ.

Í fyrsta sinn á Airwaves

Thu, 13 Oct 2011 11:13:00 +0000

Nú tekur Sinfóníuhljómsveitin í fyrsta sinn þátt í Iceland Airwave. Á þrennum tónleikum 13. október verða leikin verk eftir Daníel Bjarnason og Valgeri Sigurðsso, auk þess sem einn fremsti nútímatónlistarhópur Bandaríkjanna, ITC, flytur eitt af meistaraverkum mínímalismans, Different Trains eftir Steve Reich.

Kl. 20:00
Valgeir Sigurðsson: Draumalandið
Kl. 21:00
Daníel Bjarnason: Processions, píanókonsert
Daníel Bjarnason: Birting
Einleikari: Víkingur Heiðar Ólafsson
Kl. 22:00
Steve Reich: Different Trains
Einleikarar: ICE (International Contemporary Ensemble) strengjakvartett
Miðaverð er 2.500 kr. og gildir miðinn á alla þrenna tónleikana. Þeir sem kaupa sig inn á Airwaves fá ókeypis aðgang.

Norræn ráðstefna sinfóníuhljómsveita

Tue, 27 Sep 2011 20:02:00 +0000

Í þessari viku fer fram árleg ráðstefna framkvæmdastjóra og helstu stjórnenda sinfóníuhljómsveita á Norðurlöndum. Sinfóníuhljómsveit Íslands er gestgjafi að þessu sinni og er ánægjulegt að hýsa ráðstefnuna á fyrsta starfsári hljómsveitarinnar í Hörpu. Ráðstefnan fer fram 28.- 30. september. Ráðstefnugestir eru rúmlega sextíu og koma frá öllum Norðurlöndum.

Fyrirlestur Vinafélags SÍ mánudag kl. 20

Sun, 25 Sep 2011 15:30:00 +0000

Mánudagskvöldið 26. september stendur Vinafélag Sinfóníuhljómsveitar Íslands fyrir fyrirlestri Árna Heimis Ingólfssonar, "Allt sem þú vildir vita um klassíska tónlist en þorðir ekki að spyrja". Í fyrirlestrinum, sem hefst kl. 20 í Kaldalóni í Hörpu, stiklar Árni Heimir á stóru um sögu klassískrar tónlistar, sinfóníuformið, og ólíkar leiðir til þess að njóta sígildrar tónlistar. Kynningin er sérstaklega ætluð þeim sem hafa lítil kynni haft af klassískri tónlist en hafa áhuga á að kynnast þeim töfrum sem hún býr yfir.

GAMMA bakhjarl SÍ

Sun, 25 Sep 2011 15:25:00 +0000

Nýverið var undirritaður samstarfssamningur á milli Sinfóníuhljómsveitar Íslands og GAMMA þar sem GAMMA verður einn af aðalstyrktaraðilum hljómsveitarinnar fram til ársins 2014.
Gísli Hauksson framkvæmdastjóri GAMMA og Sigurður Nordal framkvæmdastjóri Sinfóníuhljómsveitar Íslands undirrituðu samstarfssamninginn.

Fyrsta starfsárið hafið í Hörpu

Mon, 5 Sep 2011 15:53:00 +0000

Það eru merkir tímar hjá Sinfóníuhljómsveit Íslands, sem nú hefur sitt fyrsta starfsár í nýju tónlistarhúsi. Framundan er fjölbreytt og forvitnileg dagskrá þar sem fjöldi framúrskarandi hljómsveitarstjóra og einleikara kemur fram með hljómsveitinni. Meðal þeirra helstu má nefna bandarísku fiðlustjörnuna Hilary Hahn, rússneska píanistann Denis Matsuev og þýsku sópransöngkonuna Christine Schäfer. Þá kemur fjöldi íslenskra sólista fram með hljómsveitinni, m.a. Víkingur Heiðar Ólafsson, Sigrún Eðvaldsdóttir, Einar Jóhannesson og Melkorka Ólafsdóttir.

Hugmyndasamkeppni

Thu, 18 Aug 2011 01:09:00 +0000

Sinfóníuhljómsveit Íslands kallar eftir hugmyndum að nýju tónverki þar sem hinar ýmsu listgreinar mætast. Verkið skal ekki vera meira en 20 mínútur að lengd. Það má vera fyrir heila sinfóníuhljómsveit (þó að hámarki 3.3.3.3./4.3.3.1, 3perc, hp, pno/cel, str), hluta hennar (allt niður í kammerhóp eða jafnvel einleikshljóðfæri), auk þess sem nota má vídeó, rafhljóð, og/eða dans. Verkið má einnig notast við t.d. rafhljóð eingöngu. Útgangspunkturinn er samruni ólíkra greina listarinnar og er útfærslan að öðru leyti frjáls. Fleiri en einn höfundur geta unnið saman að einni hugmynd og geta sent sameiginlega tillögu í keppnina.

Tónleikar á Menningarnótt - frítt inn

Fri, 12 Aug 2011 13:39:00 +0000

Sinfóníuhljómsveit Íslands býður á tvenna tónleika á vígsludegi Hörpu á Menningarnótt. Frítt er inn á tónleikana og allir eru velkomnir á meðan húsrúm leyfir. Hægt verður að sækja aðgöngumiða í miðasölu Hörpu á tónleikadegi. Byrjað er að afhenda miða tveimur tímum fyrir tónleika.

Kl. 14:00 - Eldborg

Maxímús Músikús heimsækir hljómsveitina

Kl. 17:00 - Eldborg

Klassík fyrir alla

Bernharður Wilkinsson hljómsveitarstjóri

SÍ auglýsir eftirfarandi stöður:

Tue, 5 Jul 2011 23:44:00 +0000

Sinfóníuhljómsveit Íslands auglýsir lausar til umsóknar fjórar stöður í hljómsveitinni.

Tónskáldastofa Sinfóníunnar

Tue, 5 Jul 2011 18:16:00 +0000

Föstudaginn 27. janúar 2012 efnir SÍ í annað sinn til svokallaðrar Tónskáldastofu, þar sem valin verða til þátttöku þrjú hljómsveitarverk eftir tónskáld undir 35 ára aldri. Hljómsveitin mun leika verkin undir stjórn Ilans Volkov, og í kjölfarið fá tónskáldin athugasemdir og leiðbeiningar frá hljómsveitarmeðlimum, stjórnanda, og tónskáldinu Hans Abrahamsen sem einnig verður viðstaddur. Með þessu framtaki vonast SÍ til að taka virkari þátt en áður í uppeldi íslenskra hljómsveitartónskálda í fremstu röð.

Opnunartónleikar í Hörpu í Sjónvarpinu

Sun, 12 Jun 2011 00:00:00 +0000

SJÓNVARPIÐ sunnudagur 12. júní 2011 kl. 21.45. Upptaka frá tónleikum í Hörpu í byrjun maí. Víkingur Heiðar Ólafsson leikur einleik á píanó og Vladimír Ashkenazí stjórnar Sinfóníuhljómsveit Íslands. Flutt var verkið Velkomin Harpa eftir Þorkel Sigurbjörnsson, píanókonsert eftir Edvard Grieg og Níunda sinfónía Beethovens. Auk þess ræðir Arndís Björk Ásgeirsdóttir við Vladimír Ashkenazí og Víking Heiðar Ólafsson. Stjórn upptöku: Helgi Jóhannesson.

Litli tónsprotinn í heimsókn

Tue, 31 May 2011 16:01:00 +0000

Sinfóníuhljómsveit Íslands býður áskrifendum Litla tónsprotans í heimsókn í ný heimkynni sín í Hörpu þriðjudaginn 31. Maí kl. 16.30.

Miðasalan flutt í Hörpu

Thu, 19 May 2011 14:01:00 +0000

Vinsamlega athugið að miðasalan er nú flutt í Hörpu og er staðsett í anddyri á jarðhæð. Miðasalan er opin alla daga frá kl.& 12-18 og á tónleikadögum er hún opin fram að tónleikum. Miðasölusíminn er 528-5050.

Barnadagur í Hörpu 15. maí

Sun, 15 May 2011 10:38:00 +0000

Á sunnudaginn verður sérstakur barnadagur í Hörpu. Húsið opnar kl.11:00 og verður fjölbreytt barnadagskrá í gangi allan daginn.

Uppselt er á tvenna barnatónleika með Sinfóníuhljómsveit Íslands og Maxímús Músíkus í Eldborg.

Þriggja daga tónlistarveisla í Hörpu

Mon, 9 May 2011 11:10:00 +0000

N/A

Opnunartónleikar fá frábæra dóma

Fri, 6 May 2011 23:35:00 +0000

N/A

Sala miða á barnahátíð Hörpu

Thu, 28 Apr 2011 11:51:00 +0000

Harpa heldur upp á barnahátíð sunnudaginn 15. maí þar sem fjöldi viðburða verða í boði fyrir unga tónlistarunnendur. Meðal viðburða eru tvennir tónleikar Sinfóníuhljómsveitar Íslands og Maxímús Músikús, hinnar tónelsku músar sem fengið hefur heimili í Hörpu. Tónleikar Maxímús fara fram í aðalsalnum Eldborg. Þeir eru ætlaðir yngstu börnunum og dagskráin byggist upp á stuttum, þekktum og aðgengilegum verkum. Hver miði á þessa tvennu tónleika Maxímús verður seldur á aðeins 100 kr. Sú upphæð er táknræn fyrir að senn lýkur aldarlangri bið eftir tónlistarhúsi á Íslandi.

Öll starfsemi SÍ er flutt í Hörpu

Thu, 28 Apr 2011 11:45:00 +0000

Sinfóníuhljómsveit Íslands hefur nú flutt alla starfsemi sína í Hörpu, tónlistar og ráðstefnuhúsið í Reykjavík.

Síminn á skrifstofu hljómsveitarinnar er óbreyttur, 545-2500.

Miðasala fer fram á heimasíðu okkar www.sinfonia.is og á www.harpa.is

Miðasölusíminn er 528-5050

Staða tónlistarstjóra auglýst

Wed, 20 Apr 2011 17:00:00 +0000

Auglýst er laus til umsóknar staða tónlistarstjóra (programme director) Sinfóníuhljómsveitar Íslands
frá og með 1. september 2011.

Tónlistarstjóri leggur drög að dagskrá komandi starfsára Sinfóníuhljómsveitarinnar í samráði við verk efnavalsnefnd og gerir tillögur tillögur um hljómsveitarstjóra og aðra listamenn sem fram koma með hljómsveitinni. Tónlistarstjóri heyrir undir framkvæmdastjóra en starfar auk þess náið með aðalhljómsveitarstjóra/ listrænum stjórnanda við að framfylgja listrænni stefnu hans. Tónlistarstjóri hefur umsjón með tónleikaskrá og annast ritun ýmiskonar efnis sem snertir tónleikahald hljómsveitarinnar. Þá sinnir tónlistarstjóri mótun og framkvæmd fræðslustarfs og tónlistaruppeldis á vegum Sinfóníu hljómsveitar Íslands.

Sinfónían flytur í Hörpu

Fri, 15 Apr 2011 12:20:00 +0000

Sinfóníuhljómsveit Íslands kvaddi Háskólabíó þann 15. apríl og gekk fylktu liði að Hörpu þar sem fyrsta hljóðprufan var haldin í nýjum tónleikasal. Á leiðinni léku lúðraþeytarar og slagverksleikarar Sinfóníunnar á sín hljóðfæri. Lokatónleikar í Háskólabíói fóru fram kvöldið áður, en þar hefur hljómsveitin frá árinu 1961.

Nýr hljómdiskur hlýtur frábæra dóma

Thu, 14 Apr 2011 09:03:00 +0000

Fyrir skömmu kom á markað nýr hljómdiskur þar sem Sinfóníuhljómsveit Íslands leikur tvö hljómsveitarverk eftir franska tónskáldið Vincent d’Indy. Diskurinn er sá fjórði í útgáfuröð Chandos-forlagsins sem vakið hefur mikla hrifningu. Gagnrýnendur fara fögrum orðum um nýja diskinn, sem var meðal annars valinn diskur maímánaðar hjá breska veftímaritinu MusicWeb. Gagnrýnandi MusicWeb, Dan Morgan, segir að Sinfóníuhljómsveit Íslands sé „fyrsta flokks sveit“ og að varla eigi nokkur eftir að heyra meira sannfærandi flutning en þennan. Lokaorð hans eru að diskurinn sé „algjörlega óflekkuð ánægja“ og hvetur lesendur til að gleðja sig með því að fjárfesta í honum.