Helga Þóra Björgvinsdóttir

• Deild: 1. fiðla
• Netfang: helgathora ( @ ) gmail ( . ) com

Helga Þóra Björgvinsdóttir, fiðluleikari, útskrifaðist með bachelor-gráðu frá Listaháskóla Íslands vorið 2004 þar sem kennarar hennar voru Guðný Guðmundsdóttir og Auður Hafsteinsdóttir. Árið 2007 þreytti Helga Þóra Diplomu-próf frá Listaháskólanum í Berlín (UdK Berlin) og hlaut hæstu mögulega einkunn en þar lærði hún hjá Isabelle Faust og kammertónlist hjá Artemis-kvartettinum. Helga Þóra lauk masters-prófi sínu vorið 2013 frá Konunglega tónlistarháskólanum í Brussel þar sem hún stundaði nám hjá Kati Sebestyen. 

Helga Þóra hefur sótt námskeið til Ítalíu, Frakklands og Þýskalands og hefur numið fiðluleik hjá m.a. Donald Weilerstein, Boris Garlitsky, Laurent Korcia, Stephen Clapp, Almitu Vamos, Suzanne Gessner og Svetlin Roussev. 

Sem einleikari hefur Helga Þóra leikið þrívegis með Sinfóníuhljómsveit Íslands en einnig með Sinfóníuhljómsveit Unga fólksins og Strengjasveitinni Skark. Hún er meðlimur Strokkvartettsins Sigga, Elektra Ensemble og Kammersveit Reykjavíkur. Einnig kennir hún við Tónlistarskólann í Reykjavík. 

Helga Þóra var lausráðin í Sinfóníuhljómsveit Íslands frá árinu 2013 en hlaut fastráðningu árið 2016.