Bryndís Björgvinsdóttir

Bryndís Björgvinsdóttir sellóleikari stundaði tónlistarnám hjá Gunnari Kvaran í Tónlistarskólanum í Reykjavík og lauk þaðan einleikarprófi og kennaraprófi 1987. Eftir það lá leiðin í Roosevelt University í Chicago þaðan sem hún lauk BA-gráðu árið 1991. Bryndís hefur verið sellóleikari við Sinfóníuhljómsveit Íslands síðan 1991. Hún hefur spilað í hljómsveit Íslensku óperunnar, Kammersveit Reykjvavíkur og komið fram með ýmsum kammerhópum. Bryndís kennir á selló við Tónlistarskóla Hafnarfjarðar.