Dagsetning | Staðsetning | Verð |
---|---|---|
18. jan. 2018 » 19:30 » Fimmtudagur | Eldborg | Harpa | 2.500 - 7.500 kr. |
-
Efnisskrá
Grażyna Bacewicz Forleikur fyrir hljómsveit
Dmítríj Shostakovitsj Sellókonsert nr. 1
Richard Strauss Also sprach Zarathustra
-
Hljómsveitarstjóri
-
Einleikari
Upphafstónarnir í Svo mælti Zaraþústra eru með því kunnasta sem nokkurt tónskáld hefur fest á blað, þökk sé kvikmyndinni frægu 2001: A Space Odyssey. Þetta meistaraverk Richard Strauss er þó annað og meira en lúðraþyturinn í upphafi. Svo mælti Zaraþústra er stórbrotin og hrífandi hugleiðing um tilveruna í hinum ýmsu myndum: náttúruna, dansinn og dauðann.
Sellókonsertinn sem Shostakovitsj samdi handa Mstislav Rostropovitsj árið 1959 er eitt af meistaraverkum sellótónlistar á 20. öld og margir heyra í kröftugri tónlistinni lýsingu á þeim aðstæðum sem tónskáldið bjó við í Sovétríkjunum.
Þýski sellistinn Alban Gerhardt er einn virtasti sellóleikari samtímans. Hann hefur leikið með öllum helstu hljómsveitum heims og hefur m.a. hljóðritað fyrir Deutsche Grammophon. Nýjasti hljómdiskur hans var valinn einn af diskum mánaðarins hjá hinu virta tímariti Gramophone.
Á tónleikunum hljómar einnig bráðsnjall forleikur eftir hina pólsku Grażynu Bacewicz, sem var afkastamikið tónskáld um miðja 20. öld og hlaut verðskuldaða viðurkenningu fyrir verk sín.