• 29.10.2009 19:30
• Háskólabíó
• 3.700 / 3.300 KR.
• Kaupa miða

Eftirlætis Mozart

Með klarínettusnillingnum Martin Fröst

Sænski klarínettusnillingurinn Martin Fröst er staðarlistamaður Sinfóníuhljómsveitar Íslands starfsárið 2009-10. Hann hefur fyrir löngu skipað sér í hóp fremstu tónlistarmanna Norðurlanda, hefur hlotið ótal verðlaun og komið fram í virtustu tónleikasölum heims.

Tónleikar hans á PROMS-tónlistarhátíðinni í fyrra þóttu einn af hápunktum tónleikaársins í Lundúnum og í fyrri heimsókn sinni til Íslands í vetur mun hann leika vinsælasta klarínettukonsert allra tíma, eitt síðasta verkið sem Mozart samdi áður en hann lést.

Auk þess verða á efnisskránni tvö önnur ódauðleg tónverk eftir meistara Amadeus, æsilegur forleikurinn að Brúðkaupi Fígarós og hin hádramatíska sinfónía nr. 40, sem hann samdi þegar hann var í hvað mestum fjárhags- og tilfinningakröggum sumarið 1789.

Stjórnandinn, Matthew Halls, er aðalstjórnandi King's Consort-tónlistarhópsins og hefur getið sér frábært orð fyrir túlkun sína á barokk- og klassískri tónlist.

Sækja efnisskrá

• Martin Fröst leikur Mozart-konsertinn

Senda