Fátt er ánægjulegra en að heyra ungt fólk í blóma lífsins stilla saman strengi sína í orðsins fyllstu merkingu og leyfa öllu litrófi tilfinninganna að skína. Nú hefur Sinfóníuhljómsveit Íslands ákveðið að halda námskeið í hljómsveitarleik fyrir tónlistarnema og eru miklar vonir bundnar við að slík námskeið verði fastur liður í starfsemi hljómsveitarinnar.