• 4.9.2009 19:30
• Háskólabíó
• 3.700 / 3.300
• Kaupa miða

Upphafstónleikar - Ashkenazy feðgar

Það er ávallt stórviðburður í íslensku tónlistarlífi þegar Vladimir Ashkenazy stjórnar Sinfóníuhljómsveit Íslands. Það er ekki síður gleðiefni að einleikari á upphafstónleikum SÍ skuli vera Vovka sonur hans, sem hefur getið sér frábært orð fyrir píanóleik sinn víða um heim.

Þetta er í fyrsta sinn sem þeir feðgar koma fram saman með Sinfóníuhljómsveit Íslands og vel við hæfi að þeir skuli flytja hina stórkostlegu Wanderer-fantasíu Schuberts í útsetningu Liszts þar sem bæði einleikari og hljómsveit njóta sín til fulls.

Það er ekki síður ánægjuefni að Ashkenazy, sem er heimsþekktur fyrir túlkun sína á tónlist Tsjajkovskíjs, skuli stjórna Manfreðsinfóníunni. Líkt og í verki Schuberts er hér byggt á rómantíska minninu um ferðalanginn. Manfreð byggir á ljóði eftir Byron lávarð um ungan mann sem ráfar um Alpana kvalinn af sorg og iðrun.

Tónskáldið sagði þetta vera sitt besta verk og meðal hljómsveitarstjóra sem tekið hafa í sama streng eru Arturo Toscanini og Ashkenazy sjálfur, sem stjórnaði því einmitt í það eina skipti sem það hefur hljómað á Íslandi fram að þessu, árið 1974.

Sækja efnisskrá

Senda