Heimsókn í dýragarðinn
Öllum krökkum finnst gaman að fara í dýragarðinn og nú breytum við Háskólabíói í einn slíkan. Örn Árnason leiðir okkur í gegnum töfraheim dýranna, fyrst með völdum köflum úr hinu bráðskemmtilega Karnvali dýranna eftir Saint-Saëns. Þar sjáum við meðal annars svaninn fagra, skjaldbökur og fiskabúr.
Fíllinn Babar lendir líka í ýmsum ævintýrum og tónlistin er bæði litrík og skemmtileg. Sagan segir að eitt sinn hafi Poulenc setið djúpt sokkinn við að semja nútímaverk við flygilinn þegar þriggja ára frænka hans sem var í heimsókn skellti ævintýrabókinni um Babar í fang hans og sagði: „Spilaðu þetta frekar!“ Frændinn tók hana á orðinu og afraksturinn var þetta sívinsæla tónlistarævintýri.
Allir krakkar eru beðnir að koma í dýrabúningum eða með uppáhalds dýrið sitt á tónleikana!
Miðaverð 1.700 kr.
-
Stjórnandi
Daníel Bjarnason
-
Sögumaður
Örn Árnason
-
Efnisskrá
Camille Saint-Saëns: Karnival dýranna
Francis Poulenc: Sagan af fílnum Babar
