Maxímús Músíkús trítlar í tónlistarskólann

Í sögunni Maxímús Músíkús trítlar í tónlistarskólann kynnist Maxí börnum sem leika á alls kyns hljóðfæri.

Í hverju horni tónlistarskólans er verið að æfa og börnin eru öll afar spennt og kát því að þau eiga að fá að koma fram með stóru sinfóníuhljómsveitinni.

Fram koma ungir einleikarar og hópar barna sem leika með hljómsveitinni en inn á milli hljóma dillandi dansar þar sem hljómsveitin er í aðalhlutverki.

Það eru tveir hljóðfæraleikarar hjómsveitarinnar, þau Hallfríður Ólafsdóttir, flautuleikari og Þórarinn Már Baldursson, víóluleikari sem hafa skapað hann Maxa mús og ævintýri hans.

 Fyrsta bókin og diskurinn um Maxímús Músíkús var gríðarlega  vinsæl. Auk þess að hljóta  fjölda verðlauna  hefur bókin nú verið gefin út á mörgum tungumálum. Þess má einnig geta að  erlendar sinfóníuhjómsveitir hafa sett Maxa á dagskrá hjá sér.
Við erum viss um að nýja sagan um Maxímús og tónlistarskólann á ekki síður eftir að slá í gegn.

Sækja efnisskrá

Nýja bókin kemur út hjá Mái og Menningu í þessarri viku og verður til sölu á tónleikunum á sérstöku tilboðverði.

Viltu hlusta á lagið hans Maxa?

Hér getur þú prentað myndir af Maxa til að lita