• 10.6.2010 19:30
• Háskólabíó
• 3.700 / 3.300 KR.
• Kaupa miða

Rumon kveður

Rumon Gamba hefur gegnt stöðu aðalhljómsveitarstjóra SÍ í átta ár en nú skilur leiðir og hann tekur við fastri stöðu við Norrbotten Opera í Svíþjóð á komandi hausti. Rumon kaus að láta efnisskrá kveðjutónleikana endurspegla áherslur sínar í starfinu og valdi verk eftir enskt, íslenskt og rússneskt tónskáld.

Hugljúft strengjaverk Elgars er upptaktur að nýju verki fyrir sópran og hljómsveit eftir Áskel Másson, þar sem Diddú fer á kostum í glaðværri vorstemningu við sonnettur Gunnars Gunnarssonar.

Rumons verður eflaust helst minnst fyrir það afrek sitt að stjórna öllum sinfóníum Sjostakovitsj á fjögurra ára tímabili og nú hljómar sú tíunda aftur í magnþrunginni túlkun hans. Sjostakovitsj samdi hana sumarið 1953, skömmu eftir lát Jósefs Stalín sem oft hafði horn í síðu hans.

Tíunda sinfónían er á köflum innhverf og hæglát en annars staðar brýst fram kaldhæðni og jafnvel heift sem er aðdáendum tónskáldsins að góðu kunn. Enda sagði Sjostakovitsj að hún væri um Stalíntímann og að brjálæðislegur annar þátturinn væri „mynd af Stalín í tónum“.

• Dudamel stjórnar Sjostakovitsj nr. 10

Senda