Sinfóníudagurinn / Opið hús
Laugardaginn 4. september kl. 14.00 býður Sinfóníuhljómsveitin gestum og gangandi í opið hús í Háskólabíói þar sem skemmtilegir atburðir verða á dagskrá og efnisskrá vetrarins kynnt. Starfsfólk Sinfóníunnar mun jafnframt veita áhugasömum ráðgjöf og aðstoð við að velja sér áskriftarleiðir eða raða saman skemmtilegum og spennandi Regnbogakortum. Miðasalan verður opin og hægt er að kaupa áskrift eða staka miða. Boðið verður upp á kaffi og með því. Ekki láta þessa skemmtilegu uppákomu fram hjá þér fara.
Ókeypis inn og allir velkomnir.
14:15
Víkingur Heiðar með Sinfó
Víkingur Heiðar og Bernharður Wilkinson með Sinfóníunni í stóra salnum. Athugið að salnum er lokað þegar tónleikar hefjast.
Tónlistarsmiðja barnanna
Tónlistarsmiðja barnanna í hliðarsal nr. 2, þar
sem börnin skapa tónverk í sameiningu undir
leiðsögn tónlistarkennara.
15:15
Tobbi túba
Sígilda ævintýrið um Tobba túbu með Tim
Buzbee, túbuleikara SÍ, í aðalhlutverki.
Sögumaður: Trúðurinn Barbara.
Spjallað við Víking
Víkingur Heiðar og Árni Heimir tónlistarstjóri SÍ
spjalla um lífið og listina í anddyrinu.
