• 12.1.2012 19:30
• Harpa
• Frá 2.000 kr. til 3.500 kr.
• Kaupa miða

Ungir einleikarar

Einleikarakeppni SÍ og  LHÍ

Það er mikið gleðiefni hversu margir efnilegir tónlistarmenn leynast í skólum landsins og ávallt stór stund þegar nokkrir þeirra fá að stíga á stokk með hljómsveitinni.  Á þessum tónleikum ríkir ávallt sérstök spenna, eftirvænting og gleði yfir þeim mannauði sem íslensk þjóð býr yfir.

Á hverju ári fer fram keppni ungra einleikara sem Sinfóníuhljómsveitin stendur að í samvinnu við Listaháskóla Íslands. Keppnin er opin nemendum á háskólastigi, óháð því hvaða skóla þeir sækja. Hver nemandi flytur hálftíma dagskrá með verkum af ólíkum toga, og dómnefndin er skipuð listafólki úr fremstu röð.

Erlendis er afar sjaldgæft að nemendum sem enn eru í skóla gefist slík tækifæri en í okkar litla menningarsamfélagi er hægt að bjóða upp á kosti sem annars væru utan seilingar. Sinfóníuhljómsveitin og Listaháskólinn leiða saman krafta sína til að vígja okkar efnilegasta tónlistarfólk í heim atvinnumennskunnar og um leið fá almennir áheyrendur tækifæri til að fylgjast með þroska og framförum þess fólks sem síðar mun leiða íslenskt tónlistarlíf til nýrra ávinninga.

Einleikarakeppni SÍ og LHÍ fór fram í október 2011.

• Sækja efnisskrá (pdf)

Senda