James Bond-veisla
„Hristan, ekki hrærðan“
Árið 2012 eru 50 ár liðin frá því að James Bond birtist í fyrsta sinn á hvíta tjaldinu, í myndinni Dr. No með Sean Connery í aðalhlutverki. Síðan eru myndirnar orðnar 24 talsins og enn ein væntanleg.
Eitt af því sem einkennir Bond-myndirnar er frábær tónlist. Titilstefið þekkja flestir enda hefur það fylgt myndunum frá upphafi, en meðal tónlistarmanna sem hafa komið til liðs við myndirnar síðan má nefna Madonnu, Paul McCartney, Duran Duran, A-ha og Tinu Turner.
Sinfóníuhljómsveitin býður nú til Bond-veislu þar sem fluttir verða allir helstu smellirnir úr myndunum, meðal annars You Only Live Twice, Nobody Does It Better, og A View To a Kill.
Breski stjórnandinn og tónskáldið Carl Davis hefur stýrt Bond-tónleikum víða um heim við góðan orðstír, meðal annars á tónleikum í Royal Albert Hall sem þurfti að endurtaka margoft vegna mikillar eftirspurnar.
Íslenskir söngvarar í fremstu röð taka þátt í tónleikunum. Páll Óskar sló öll met með Sinfóníunni á síðasta starfsári og snýr nú aftur á svið Eldborgar ásamt Valgerði Guðnadóttur, Sigríði Thorlacius úr Hjaltalín, Siggu Beinteins, Ingu Stefánsdóttur og Eyþóri Inga Gunnlaugssyni, sem vakti mikla hrifningu í Rocky Horror hjá LA í fyrravetur.
-
Stjórnandi
Carl Davis
-
Kynnir
Jóhanna Vigdís Arnardóttir
-
Einsöngvarar
Valgerður Guðnadóttir
Sigríður Thorlacius
Eyþór Ingi Gunnlaugsson
Sigríður Beinteinsdóttir
Inga Stefánsdóttir
Páll Óskar Hjálmtýsson
Jóhanna Vigdís Arnardóttir -
Efnisskrá
Leyndarmál Hennar Hátignar fram að tónleikum
