TÖFRAVERÖLD DISNEYS
Töfraheimur Disneys lifnar við á tónleikum fyrir ævintýrafólk á öllum aldri þar sem leikin og sungin er ódauðleg tónlist úr smiðju Walts Disney. Framlag Disneys til teiknimyndanna er óþarft að kynna en hann hefur oftar en nokkur annar einstaklingur hlotið Óskarsverðlaunin eftirsóttu. Á tónleikunum verða flutt eftirlætislög úr völdum myndum meistarans, syrpur í hljómsveitarbúningi og einsöngslög flutt af valinkunnum söngvurum í fremstu röð á Íslandi. Tónlist úr myndum Disneys hefur án efa ratað inn á fleiri heimili á heimsvísu en tónlist úr nokkrum öðrum myndum. Lögin hafa orðið að heimilisvinum og sem slík órjúfanlegur hluti af fallegum minningarbrotum bernskuáranna. Hver kannast ekki við fjöruga og taktfasta tónlistina úr Konungi ljónanna, rómantísku ballöðurnar úr Fríðu og dýrinu, dulúðugu tónana úr Aladdín og smellnu sönglögin eins og Supercalifragilisticexpialidocious úr Mary Poppins.
Töfraveröld Disneys eru tónleikar fyrir alla fjölskylduna þar sem áheyrendum er boðið upp á einstaka upplifun með tímalausum myndum úr kvikmyndum Disneys sem sýndar eru meðan á tónlistarflutningnum stendur.
-
Efnisskrá
Tónlist úr smiðju Walts Disney
-
Stjórnandi
David Danzmayr
-
Einsöngvarar
Felix Bergsson, Stefán Hilmarsson og Valgerður Guðnadóttir
