Flestir eiga sér uppáhaldsleikfang. Nú er tækifærið að taka gullin sín með á tónleika og upplifa Leikfangasinfóníuna með góðvinum. Fyrsti þáttur sinfóníunnar verður fluttur með aðstoð leikfangasextetts þar sem Maxímús Músíkús leikur á alls oddi. Leikfangasinfónían hefur notið mikilla vinsælda og er oft og tíðum leikin þegar mikið liggur við eins og á opnunartónleikum Litla tónsprotans. Ekki er með öllu ljóst hver samdi Leikfangasinfóníuna en hún hefur verið eignuð þremur tónskáldum: Leopold Mozart, Joseph Haydn og Edmund Angerer. Í sinfóníunni koma fyrir margvíslegar fuglaflautur, hrossabrestur, dótatrompet og fleiri áhugaverð hljóðfæri.