Finnski píanistinn Antti Siirala hreppti fyrstu verðlaun í London International-píanókeppninni árið 2000 þegar hann flutti fyrsta píanókonsert Brahms með Fílharmóníuhljómsveit Lundúna í Royal Festival Hall. Hann fæddist inn í tónlistarfjölskyldu í Helsinki árið 1979, hélt fyrstu tónleika sína sjö ára gamall og hélt áfram námi við Sibeliusar-akademíuna hjá Matti Raekallio auk þess sem hann sótti tíma hjá Murray Perahia og Mitsuko Uchida. Lesa meira um þennan listamann

Ásdís Valdimarsdóttir ólst upp í Reykjavík í stórum systkinahópi. Hún hóf tónlistarnám við Barnamúsíkskólann 8 ára gömul og hélt síðan áfram í Tónlistarskólanum í Reykjavík undir leiðsögn Rutar Ingólfsdóttur þar til hún hélt til náms við Juilliard skólann í New York haustið 1980. Kennarar hennar þar voru Paul Doktor, Felix Galimir og meðlimir Juilliard-strengjakvartettsins, og haustið 1985 útskrifaðist hún með BM og MM-gráður. Lesa meira um þennan listamann

Ástríður Alda Sigurðardóttir hóf píanónám sex ára gömul og lauk einleikaraprófi frá Tónlistarskólanum í Reykjavík árið 1999 undir leiðsögn Önnu Þorgrímsdóttur. Hún stundaði nám hjá Reiko Neriki við Indiana University, Bloomington, frá 2000-2003, og lauk Artist Diploma-námi með láði. Lesa meira um þennan listamann

Þótt hann sé enn á þrítugsaldri hefur bandaríski hljómsveitarstjórinn Benjamin Shwartz þegar vakið athygli víða um lönd fyrir hæfileika sína. Hann ólst upp í Los Angeles og Ísrael, og lærði við Curtis-tónlistarháskólann í Fíladelfíu þar sem hann starfaði náið með Christoph Eschenbach. Lesa meira um þennan listamann

Bernharður Wilkinson hóf tónlistarnám sitt sem kórdrengur við Westminster Abbey í Lundúnum, og lærði síðar flautuleik við Royal Northern College of Music, þar sem aðalkennari hans var Trevor Wye. Hann sótti meistarnámskeið hjá Marcel Moyse, William Bennett og James Galway, og var ráðinn flautuleikari við Sinfóníuhljómsveit Íslands árið 1975. Lesa meira um þennan listamann

Bandaríska sópransöngkonan Christine Brewer þykir hafa einstaka rödd, hlýja og skæra, kraftmikla og tjáningarríka. Hún hefur komið fram með öllum helstu stjórnendum og meðleikurum heims. Hún hlaut Grammy-verðlaunin fyrir hljóðritun sína á sönglögum eftir bandaríska tónskáldið William Bolcom. Lesa meira um þennan listamann

Breski hljómsveitarstjórinn Christopher Warren-Green hefur gegnt stöðu aðalstjórnanda Kammersveitar Lundúna frá árinu 1988 og á árunum 1998 til 2005 var hann auk þess aðalstjórnandi Norrænu kammersveitarinnar og Sinfóníettunnar í Jönköping. Lesa meira um þennan listamann

Daníel Bjarnason lauk burtfararprófi í píanóleik frá Tónlistarskóla FÍH vorið 2000. Sama ár hóf hann nám í tónsmíðum og hljómsveitarstjórnun við Tónlistarskólann í Reykjavík og lauk þaðan prófi í hvoru tveggja vorið 2003. Daníel stundaði frá 2004-2007 framhaldsnám í hljómsveitarstjórnun við Tónlistarháskólann í Freiburg í Þýskalandi og lauk þaðan prófi með hæstu einkunn. Lesa meira um þennan listamann

Eivind Aadland hóf feril sinn sem fiðluleikari. Hann lærði hjá Yehudi Menuhin og var um árabil konsertmeistari Fílharmóníuhljómsveitarinnar í Bergen, en söðlaði síðar um og hóf stjórnandaferil sinn með Kammersveit Evrópusambandsins.

Lesa meira um þennan listamann

Elfa Rún Kristinsdóttir er fædd á Akureyri árið 1985. Hún útskrifaðist af Diplómabraut tónlistardeildar Listaháskóla Íslands vorið 2003 undir handleiðslu Guðnýjar Guðmundsdóttur og Auðar Hafsteinsdóttur. Frá hausti 2003 stundaði Elfa Rún nám við Tónlistarháskólann í Freiburg undir handleiðslu prof. Rainer Kussmaul en hún lauk námi þaðan í febrúar 2007 með hæstu einkunn. Hún býr nú í Berlín. Lesa meira um þennan listamann

Eva Ollikainen er ekki nema 27 ára gömul en hefur þegar vakið verðskuldaða athygli víða um heim. Hún hóf píanónám þriggja ára og þótti efnilegur píanisti, en þegar komið var í Sibeliusar-akademíuna skipti hún um fag og nam hljómsveitarstjórn hjá Jorma Panula og Leif Segerstam. Lesa meira um þennan listamann

Finnur Bjarnason tenór stundaði söngnám við Tónskóla Sigursveins í Reykjavík og síðan framhaldsnám við Guildhall School of Music and Drama og National Opera Studio í London. Lesa meira um þennan listamann

Finnski hljómsveitarstjórinn Franck Ollu þykir einstaklega fjölhæfur og hæfileikaríkur stjórnandi, og vakti mikla hrifningu þegar hann stjórnaði Sinfóníuhljómsveit Íslands á Norrænum músíkdögum 2006. Lesa meira um þennan listamann

Gissur Páll Gissurarson hóf nám við Söngskólann í Reykjavík veturinn 1997 undir handleiðslu Magnúsar Jónssonar. Hann flutti til Ítalíu veturinn 2001 og hóf nám við Conservatorio G.B Martini í Bologna. Að loknu námi vorið 2005 fór Gissur Páll að sækja einkatíma hjá Kristjáni Jóhannssyni. Lesa meira um þennan listamann

Hallveig Rúnarsdóttir hóf söngnám hjá Sigurði Demetz árið 1991. Hún lauk 8. stigi frá Tónlistarskólanum í Reykjavík undir handleiðslu Rutar L. Magnússon árið 1998. Það sama ár hóf hún nám hjá Theresu E. Goble við Guildhall School of Music and Drama í London og útskrifaðist þaðan með láði sumarið 2001. Lesa meira um þennan listamann

Kór Menntaskólans við Hamrahlíð var stofnaður haustið 1967 og hefur Þorgerður Ingólfsdóttir verið stjórnandi hans frá upphafi. Hamrahlíðarkórinn, sem er kór brautskráðra nemenda, hóf starfsemi sína árið 1982. Efnisskrá kóranna er afar fjölbreytt, spannar gamla tónlist og nýja, íslenska og erlenda, og hefur mikill fjöldi íslenskra kórverka verið saminn sérstaklega fyrir kórana og stjórnanda þeirra. Lesa meira um þennan listamann

Hanna Dóra Sturludóttir stundaði söngnám hjá Kristni Sigmundssyni og Snæbjörgu Snæbjarnar við Söngskólann í Reykjavík áður en hún hélt til framhaldsnáms við Listaháskólann í Berlín, þar sem hún útskrifaðist með láði vorið 1998. Árið 1995 vann hún ljóðasöngkeppnina „Paula Lindberg-Salomon“ í Berlín og hljóðritaði í framhaldi af því tvo geisladiska með ljóðasöngvum frá 20.öld. Lesa meira um þennan listamann

Hin 29 ára gamla Hilary Hahn þykir standa á hátindi frægðar sinnar um þessar mundir en í fyrra hlaut hún bæði Grammy-verðlaun og Gramophone-verðlaun sem einleikari ársins. Hún útskrifaðist úr Curtis-tónlistarháskólanum 16 ára gömul og hefur síðan ferðast um heiminn og haldið hátt í 2000 tónleika. Hún lék m.a. einleik á fiðlu í tónlist kvikmyndarinnar The Village eftir M. Knight Shyamalan, og nýr geisladiskur hennar með fiðlukonserti Sibeliusar fór beint í fyrsta sætið á klassíska Billboard-listanum fyrr á þessu ári. Lesa meira um þennan listamann

Sænska sópransöngkonan Hillevi Martinpelto debúteraði við Konunglegu óperuna í Stokkhólmi árið 1987 í Madame Butterfly, og fékk fljótlega hlutverk við Drottningholm-óperuna og Norrlands Operan í Umeå. Upp úr 1990 fór hún að syngja við helstu óperuhús heims, m.a. í Berlín, Glyndbourne og Vínarborg, og vakti heimsathygli þegar Sir John Eliot Gardiner tók hana upp á arma sína. Lesa meira um þennan listamann

Ilan Volkov tók við af Osmo Vänskä sem aðalstjórnandi BBC-sinfóníunnar í Skotlandi í janúar 2003. Hann hefur hlotið mikið lof fyrir gegnsæja túlkun sína á tónlist klassíska og rómantíska tímans, en er sérstakur áhugamaður um flutning nútímatónlistar. Volkov stýrir skosku BBC-hljómsveitinni á yfir 25 tónleikum ár hvert, og hefur ferðast með hljómsveitinni til Spánar, Suður-Ameríku og Eystrasaltsríkjanna.

Lesa meira um þennan listamann

Ilya Gringolts vakti heimsathygli árið 1998, þegar hann hlaut fyrstu verðlaun í Paganini-keppninni og hreppti um leið sérstök verðlaun fyrir að vera yngsti keppandi til að komast yfirhöfuð í lokaumferðina, og fyrir bestu túlkun á kaprísum Paganinis. Gringolts lærði fiðluleik í St. Pétursborg og við Juilliard-skólann í New York þar sem Itzhak Perlman og Dorothy Delay voru kennarar hans.

Lesa meira um þennan listamann

Lettneska sópransöngkonan Inessa Galante hóf nám við Tónlistarháskólann í Riga árið 1977 og hlaut snemma mikla athygli fyrir list sína. Hún var ráðin við Kirov-óperuna í St. Pétursborg og fékk tækifæri til að syngja vestan járntjaldsins. Lesa meira um þennan listamann

Ingibjörg Guðjónsdóttir hóf söngnám hjá Snæbjörgu Snæbjarnardóttur við Tónlistarskóla Garðabæjar og lauk BM-námi við Indiana-háskóla. Hún sótti einnig einkatíma hjá rúmensku söngkonunni Ileana Cotrubas. Ingibjörg hefur komið fram víða í Evrópu og Bandaríkjunum. Lesa meira um þennan listamann

Kanadíski píanóleikarinn Jon Kimura Parker nýtur mikillar virðingar um allan heim fyrir leik sinn. Hann hlaut gullverðlaun í hinni virtu Leeds-píanókeppni og hefur síðan leikið um allan heim, m.a. með Fílharmóníuhljómsveitinni í New York, Cleveland-hljómsveitinni og Philadelphia-hljómsveitinni. Lesa meira um þennan listamann

Jón Svavar Jósefsson útskrifaðist frá óperudeild Universität für Musik und darstellende Kunst Wien í júní 2007. Hann hefur sótt fjölda námskeiða í söng og sviðslistum á Íslandi, Belgíu og Austurríki. Jón hefur haldið marga einsöngstónleika og komið víða fram, á Íslandi sem og annars staðar. Lesa meira um þennan listamann

Breski hljómsveitarstjórinn Justin Brown hefur verið aðalstjórnandi Sinfóníuhljómsveitarinnar í Alabama síðan 2006, og aðalstjórnandi við Badisches Staatstheater í Karlsruhe frá árinu 2008. Hann nam við háskólann í Cambridge og í Tanglewood hjá Seiji Osawa og Leonard Bernstein. Lesa meira um þennan listamann

Úkraínski hljómsveitarstjórinn Kirill Karabits er nýtekinn við starfi aðalstjórnanda við Bournemouth-sinfóníuhljómsveitina á Englandi. Hann hefur þegar komið fram með fjölmörgum virtum hljómsveitum austan hafs og vestan, m.a. Minnesota-hljómsveitinni, Dönsku útvarpshljómsveitinni og Þjóðarsinfóníu Bandaríkjanna í Washington D.C.

Lesa meira um þennan listamann

Óþarfi er að kynna Kristin Sigmundsson fyrir Íslendingum, en hann er einn af okkar fremstu söngvurum og nýtur virðingar fyrir list sína um allan heim. Hann lagði stund á líffræði við Háskóla Íslands og stundaði kennslu um árabil, en lærði einnig söng við Söngskólann í Reykjavík og í Vínarborg og Washington, D.C., hjá Helene Karusso, Christian Möller, Wolfgang Gabriel og John Bullock. Lesa meira um þennan listamann

Lise de la Salle er fædd árið 1988 og hélt fyrstu tónleika sína í franska útvarpið níu ára gömul. Hún vann fjölda keppna í Frakklandi og árin 2003 og 2004 skaust hún upp á stjörnuhimininn þegar hún bar sigur úr býtum í European Young Concert Artists-keppninni í París og Young Concert Artists International-keppninni í New York. Lesa meira um þennan listamann

Mark Tucker hefur vakið mikla athygli á undanförnum árum fyrir flutning sinn á tónlist barokk- og klassíska tímans. Hann stundaði tónlistarnám í Cambridge og við Guildhall School of Music and Drama, og debúteraði í London með tónleikum í Purcell Room og Royal Festival Hall árið 1984. Lesa meira um þennan listamann

Sænski klarínettusnillingurinn Martin Fröst er staðarlistamaður Sinfóníuhljómsveitar Íslands starfsárið 2009/10. Hann þykir með mest spennandi tónlistarflytjendum samtímans og hlýtur hvarvetna mikið lof þar sem hann kemur fram. Meðal þess sem framundan er á starfsárinu eru tónleikar með Minnesota-hljómsveitinni og Osmo Vänskä, og með Sinfóníuhljómsveit Vínarborgar í Konzerthaus. Lesa meira um þennan listamann

Breski tónlistarmaðurinn Matthew Halls hefur getið sér afar gott orð á undanförnum árum bæði sem semballeikari og hljómsveitarstjóri. Hann hefur stýrt The King's Consort hópnum m.a. í Concertgebouw í Amsterdam; La Cité de la Musique í París og Konserthúsinu í Berlín.

Lesa meira um þennan listamann

Michael Krajewski er þekktur víða um heim fyrir skemmtilegan stjórnunarstíl og fyrir frábær tök sín á sinfónískri tónlist í léttari kantinum. Hann gegnir föstum stöðum við Houston og Jacksonville-sinfóníuhljómsveitirnar, og var um margra ára skeið aðalstjórnandi Long Beach-sinfóníunnar. Lesa meira um þennan listamann

Páll Óskar hefur fyrir löngu sungið sig inn í hjörtu landsmanna og er tvímælalaust einn vinsælasti söngvari þjóðarinnar. Hann kemur úr mikilli tónlistarfjölskyldu og hóf snemma að syngja opinberlega. Páll Óskar er þekktastur fyrir að syngja ballöður, diskó, hefðbundin íslensk lög og teknó. Lesa meira um þennan listamann

Finnski hljómsveitarstjórinn Pietari Inkinen er aðalstjórnandi Sinfóníuhljómsveitar Nýja-Sjálands og aðalgestastjórnandi Fílharmóníuhljómsveitarinnar í Japan. Hann þykir sérlega áhugaverður stjórnandi og hefur þegar stjórnað fjölda alþjóðlegra hljómsveita, m.a. Gewandhaus-hljómsveitinni í Leipzig, Staatskapelle Dresden, Fílharmóníuhljómsveit BBC og Fílharmóníuhljómsveitinni í Ísrael. Lesa meira um þennan listamann

Robert Spano hefur um árabil verið meðal fremstu hljómsveitarstjóra Bandaríkjanna. Hann tók við stjórn Sinfóníuhljómsveitarinnar í Atlanta árið 2001 og hefur þótt standa sig með eindæmum vel, enda hafa hljóðritanir hans með sveitinni hlotið mikið lof gagnrýnenda. Lesa meira um þennan listamann

Rumon Gamba nam við Konunglegu tónlistarakademíuna í London undir handleiðslu Colin Metters og varð fyrsti nemandinn í hljómsveitarstjórn sem vann til DipRAM-verðlaunanna. Skömmu síðar sigraði hann í keppni ungra hljómsveitarstjóra á vegum BBC og Lloyds-bankans og varð í framhaldi af því aðstoðarhljómsveitarstjóri Fílharmóníusveitar Breska ríkisútvarpsins um fjögurra ára skeið. Lesa meira um þennan listamann

Breska mezzósópran-söngkonan Sarah Connolly nam píanóleik og söng við Royal College of Music í Lundúnum og hefur vakið mikla athygli á síðustu árum fyrir frábæran söng sinn. Hún hefur m.a. sungið Dídó í óperu Purcells við La Scala í Mílanó, Orfeus í óperu Glucks og titilhlutverkið í Lúkresía svívirt við Bæversku þjóðaróperuna í München, titilhlutverkið í Giulio Cesare við Glyndebourne-hátíðina og Annio í La clemenza di Tito við Metropolitan-óperuna í New York. Hún var tilnefnd til Olivier-verðlaunanna fyrir framúrskarandi sína í hlutverki Sestós í La clemenza di Tito við Ensku þjóðaróperuna.  Lesa meira um þennan listamann

Argentínski píanóleikarinn Sergio Tiempo hefur hlotið mikið lof gagnrýnenda undanfarin ár og þykir vera einn fremsti píanisti sinnar kynslóðar. Hann hélt debút-tónleika sína 14 ára gamall í Concertgebouw-höllinni í Amsterdam og hefur síðan komið fram í helstu tónleikasölum heims, m.a. Fílharmóníunni í Berlín, Alte Oper í Frankfurt, Tsjajkovskíj-salnum í Moskvu og Kennedy Center í Washington, DC. Lesa meira um þennan listamann

Sigrún Hjálmtýsdóttir sópran nam söng hér heima og við Guildhall School of Music and Drama í London. Þaðan lauk hún prófum í einsöng og kennslufræðum og fór síðan í framhaldsnám á Ítalíu. Á námsferli sínum vann hún til fjölda viðurkenninga og verðlauna. Lesa meira um þennan listamann

Stefán Jón Bernharðsson lærði hjá Joseph Ognibene við Tónlistarskólann í Reykjavík og útskrifaðist þaðan 1998. Hann nam síðan hjá prófessor Frøydis Ree Wekre við Norska tónlistarháskólann í Ósló þar til 2005. Hann hefur verið fastráðinn við Sinfóníuhljómsveit Íslands frá árinu 2000. Lesa meira um þennan listamann

Susanna Mälkki er fædd í Helsinki 1969 og lærði sellóleik hjá Hannu Kiiski á unga aldri. Hún fór síðar í frægan hljómsveitarstjórabekk Jormas Panula við Sibeliusarakademíuna auk þess sem hún lærði hjá Leif Segerstam og við Royal Academy of Music í Lundúnum. Hún hefur einnig sótt meistaranámskeið hjá Esa-Pekka Salonen. Lesa meira um þennan listamann

Sæunn Þorsteinsdóttir fæddist í Reykjavík árið 1984. Hún byrjaði 5 ára gömul að læra á selló hjá Hauki Hannessyni við Tónlistarskóla Íslenska Suzukisambandsins. Er hún var 7 ára fluttist hún til Bandaríkjanna þar sem hún hefur búið að mestu síðan. Sæunn útskrifaðist frá Cleveland Institute of Music árið 2006 með BM-gráðu og hlaut þar verðlaun sem framúrskarandi nemandi bæði í sellóleik og kammertónlist. Þá lá leiðin til Juilliard skólans í New York þar sem aðalkennari hennar var Joel Krosnick og lauk hún meistaragráðu þaðan árið 2008. Lesa meira um þennan listamann

Víkingur Heiðar Ólafsson lauk námi til meistaragráðu frá Juilliard Listaháskólanum vorið 2008 þar sem hann lærði hjá Robert McDonald og Jerome Lowenthal. Hann byrjaði fjögurra ára að leika á píanó og hlaut fyrstu tilsögn frá móður sinni, Svönu Víkingsdóttur og síðar hjá Erlu Stefánsdóttur og Peter Máté. Hann hefur komið fram á fjölda tónleika frá unglingsaldri, m.a. Í Bandaríkjunum, Kína, Kanada, Lettlandi, Rúmeníu, Ítalíu, Belgíu, Spáni og Frakklandi auk þess að leika einleik m.a. með Sinfóníuhljómsveit Íslands, Juilliard Orchestra, New Juilliard Ensemble, Caput og Kammersveit Reykjavíkur. Lesa meira um þennan listamann

Vladimir Ashkenazy er óumdeilanlega frægastur íslenskra ríkisborgara í klassíska tónlistarheiminum. Hvarvetna á byggðu bóli bera menn óblandna virðingu fyrir umfangsmiklu starfi hans og djúphugulu viðhorfi til tónlistarinnar. Í ríflega hálfa öld hefur hann verið í hópi fremstu hljóðfæraleikara heims, eða allt frá því hann vann 2. verðlaun í Chopin-keppninni í Varsjá 1955 og Queen Elizabeth-keppnina í Brüssel ári síðar. Lesa meira um þennan listamann

Vovka Ashkenazy fæddist í Moskvu en ólst upp að mestu á Íslandi og Englandi. Hann hóf píanónám hjá Rögnvaldi Sigurjónssyni sex ára gamall og tíu árum síðar hélt hann til Englands þar sem hann nam hjá Sulamita Aronovsky við Royal Northern College of Music í Manchester. Þá sótti hann einnig tíma hjá Peter Frankl og Leon Fleisher. Vovka er nú búsettur í Sviss. Lesa meira um þennan listamann

Wolfram Christ er einn fárra víóluleikara sem hefur getið sér alþjóðlegt orð sem einleikari, en á síðustu árum hefur hann í auknum mæli snúið sér að hljómsveitarstjórn. Hann var aðalstjórnandi Kurpfälzisches Kammerorchester í Mannheim frá 2004-8 og hefur auk þess margoft stjórnað Simon Bolivar-hljómsveitinni í Venesúela, Kammerhljómsveitinni í Basel og Konunglegu hljómsveitinni í Kaupmannahöfn. Lesa meira um þennan listamann