Michael Krajewski

Michael Krajewski er þekktur víða um heim fyrir skemmtilegan stjórnunarstíl og fyrir frábær tök sín á sinfónískri tónlist í léttari kantinum. Hann gegnir föstum stöðum við Houston og Jacksonville-sinfóníuhljómsveitirnar, og var um margra ára skeið aðalstjórnandi Long Beach-sinfóníunnar. Hann hefur stjórnað Boston Pops og Hollywood Bowl-hljómsveitunum, auk þess sem hann hefur stjórnað sinfóníuhljómsveitunum í San Francisco, Dallas, St. Louis, Baltimore og Birmingham. Meðal þeirra einleikara og söngvara sem hann hefur starfað náið með má nefna James Galway, Marilyn Horne, Roberta Flack, Art Garfunkel og Alicia de Larrocha.