Antti Siirala
Finnski píanistinn Antti Siirala hreppti fyrstu verðlaun í London International-píanókeppninni árið 2000 þegar hann flutti fyrsta píanókonsert Brahms með Fílharmóníuhljómsveit Lundúna í Royal Festival Hall.
Hann fæddist inn í tónlistarfjölskyldu í Helsinki árið 1979, hélt fyrstu tónleika sína sjö ára gamall og hélt áfram námi við Sibeliusar-akademíuna hjá Matti Raekallio auk þess sem hann sótti tíma hjá Murray Perahia og Mitsuko Uchida.
Hann hefur komið fram sem einleikari með fjölda hljómsveita og ekki er langt síðan Ríkisútvarpið flutti hljóðritun frá einleikstónleikum hans.
