Ástríður Alda Sigurðardóttir

Ástríður Alda Sigurðardóttir hóf píanónám sex ára gömul og lauk einleikaraprófi frá Tónlistarskólanum í Reykjavík árið 1999 undir leiðsögn Önnu Þorgrímsdóttur. Hún stundaði nám hjá Reiko Neriki við Indiana University, Bloomington, frá 2000-2003, og lauk Artist Diploma-námi með láði.

Ástríður hefur einnig sótt námskeið hjá György Sebök, Ludwig Hoffmann, Janos Starker og Olaf Dressler. Hún hefur komið víða fram bæði sem einleikari og í kammertónlist, m.a. á Listahátíð í Reykjavík og með Sinfóníuhljómsveit Íslands.