Tónleikar
Árstíðirnar fjórar í Langholtskirkju
Það er leitun að tónverki sem nýtur meiri hylli en yndislegur óður Antonios Vivaldi til náttúrunnar og lífsins, Árstíðirnar fjórar.
Nú er komið að því að einn hæfileikaríkasti fiðluleikari Íslands, Elfa Rún Kristinsdóttir, spreyti sig á þessu stórvirki og hún lætur sig ekki muna um að leika annað verk fyrir fiðlu og hljómsveit á sömu tónleikum.
Argentínski tangósnillingurinn Astor Piazzolla var svo innblásinn af Árstíðum Vivaldis að hann samdi sínar eigin; fjóra fiðlukonserta með tangósveiflu sem lýsa árstíðunum hinum megin á jarðarkringlunni.
Kristalstærir barokktónarnir í bland við ljúfsáran tangó munu ekki láta neinn ósnortinn.
Athugið að sæti í Langholtskirkju eru ekki númeruð.
-
Stjórnandi
Wolfram Christ
-
Einleikari
Elfa Rún Kristinsdóttir
-
Efnisskrá
Antonio Vivaldi: Árstíðirnar fjórar
Astor Piazzolla: Árstíðirnar fjórar í Buenos Aires
