EN

PRUFUSPILI AFLÝST - Staða sellóleikara

ATH:
Í ljósi aðstæðna hefur fyrirhuguðu prufuspili fyrir stöðu sellóleikara í hljómsveitinni þann 13. maí verið aflýst. Ný dagsetning verður tilkynnt síðar.

 

Staða sellóleikara í Sinfóníuhljómsveit Íslands 

 

Hæfnispróf verður haldið 13. maí 2020 í Hörpu, Reykjavík.


Einleiksverk:

1. Fyrsti kafli úr Haydn sellókonsert í D-dúr með kadensu.

2. Fyrsti kafli úr rómantískum konsert að eigin vali.

Hljómsveitarpartar verða aðgengilegir þátttakendum að minnsta kosti tveimur vikum fyrir hæfnisprófdag. Þátttakendur fá senda á rafrænu formi hljómsveitarparta ásamt nánari upplýsingum um staðsetningu.

Umsóknir

 

Umsóknarfrestur er til 15. mars 2020. Umsóknir, ásamt ferilskrá og fylgiskjölum, skulu berast til Unu Eyþórsdóttur , mannauðsstjóra (starf@sinfonia.is).

Metið verður hverjum verður boðið til þátttöku og verður þeim sent boð skömmu eftir að umsóknarfrestur er liðinn svo fremi sem þeir hafi háskólamenntun í hljóðfæraleik. Umsóknarfrestur kann að verða framlengdur. Öllum umsóknum verður svarað.

Um starfið

Um er að ræða 100% starfshlutfall sem sellóleikari hjá Sinfóníuhljómsveit Íslands. Laun eru samkvæmt kjarasamningi Starfsmannafélags SÍ og fjármálaráðherra. Gert er ráð fyrir að ráðið verði í stöðuna haustið 2020. Aðilar utan EES svæðis athugið að sækja þarf um atvinnuleyfi sem háð er samþykki FÍH (Félag íslenskra hljómlistarmanna) og Útlendingastofnunar.

 

 

 

Nánari upplýsingar veitir mannauðsstjóri Una Eyþórsdóttir (starf@sinfonia.is) í síma 8985017.