EN

Tónleikaferð til Þýskalands

12. – 17. nóvember 2019

Sinfóníuhljómsveit Íslands heldur í tónleikaferð til Þýskalands og Austurríkis í nóvember 2019 undir stjórn hljómsveitarstjórans Daníels Bjarnasonar. Tónleikasalirnir eru með þeim fremstu í viðkomandi löndum: Großes Festspielhaus í Salzburg, Konzerthaus í Berlín og Herkulessaal í München. Einleikarar verða Víkingur Heiðar Ólafsson, sem næsta haust verður staðarlistamaður í Konzerthaus, og króatíski hornleikarinn Radovan Vlatković sem er tvímælalaust fremsti hornleikari samtímans.

Tvö íslensk tónverk verða í lykilhlutverki í tónleikaferðinni. Aeriality eftir Önnu Þorvaldsdóttur er á góðri leið með að verða eitt mest flutta íslenska hljómsveitarverk síðari áratuga. Það hefur meðal annars hljómað í Elbphilharmonie í Hamborg, Royal Festival Hall í Lundúnum og Symphony Hall í Boston; gagnrýnendur erlendra blaða kalla það „meistaraverk“ og það er meðal efnis á portrettdiski Önnu sem Deutsche Grammophon gaf út. Píanókonsert Daníels Bjarnasonar, Processions, var frumfluttur á Myrkum músíkdögum í Háskólabíói árið 2009. „Tónleikagestir svifu út með nýja trú á framtíðina“ skrifar Guðrún Nordal um þessa tónleika í nýrri bók sinni, Skiptidagar. Í kjölfarið hefur konsertinn hljómað víða um heim og hlotið frábæra dóma heimspressunnar.


Tónleikadagskrá

 

München

 

 12. nóv » Herkulessaal í München

                  Kaupa miða
    Efnisskrá                  Hljómsveitarstjóri
    Edvard Grieg: Þættir út Pétri Gaut                  Daníel Bjarnason 
    Daníel Bjarnason: Processions                  Einleikari
    Pjotr Tsjajkovskíj: Sinfónía nr. 4                  Víkingur Heiðar Ólafsson

Salzburg

13. nóv » Großes Festspielhaus í Salzburg 

          Kaupa miða
    Efnisskrá             Hljómsveitarstjóri
    Edvard Grieg: Þættir út Pétri Gaut             Daníel Bjarnason
    W.A. Mozart: Hornkonsert nr. 3             Einleikari
    Anna Þorvaldsdóttir: Aeriality             Radovan Vlatković 
   

Jean Sibelius: Sinfónía nr. 5 

           

 

14. nóv » Großes Festspielhaus í Salzburg         KAUPA MIÐA
    Efnisskrá                 Hljómsveitarstjóri
    Edvard Grieg: Þættir út Pétri Gaut                 Daníel Bjarnason
    W.A. Mozart: Hornkonsert nr. 3                 Einleikari
    Anna Þorvaldsdóttir: Aeriality                 Radovan Vlatković
   

Jean Sibelius: Sinfónía nr. 5

               

 

15. nóv » Großes Festspielhaus í Salzburg           KAUPA MIÐA

 

    Efnisskrá               Hljómsveitarstjóri
    Edvard Grieg: Þættir út Pétri Gaut               Daníel Bjarnason
    Daníel Bjarnason: Processions               Einleikari
    Pjotr Tsjajkovskíj: Sinfónía nr. 4              

Víkingur Heiðar Ólafsson 

 




Berlín

17. nóv » Berlin Konzerthaus í Berlín                KAUPA MIÐA

 

    Efnisskrá                       Hljómsveitarstjóri
    Anna Þorvaldsdóttir: Aeriality                       Daníel Bjarnason
    Daníel Bjarnason: Processions                       Einleikari
    Jean Sibelius: Sinfónía nr. 5                      

Víkingur Heiðar Ólafsson