Dagsetning | Staðsetning | Verð |
---|---|---|
10. jan. 2019 » 19:30 » Fimmtudagur | Eldborg | Harpa | 3.500 - 8.800 kr. |
11. jan. 2019 » 19:30 » Föstudagur | Eldborg | Harpa | 3.500 - 8.800 kr. |
12. jan. 2019 » 16:00 » Laugardagur | Eldborg | Harpa | 3.500 - 8.800 kr. |
12. jan. 2019 » 19:30 » Laugardagur | Eldborg | Harpa | 3.500 - 8.800 kr. |
-
Efnisskrá
Óperettutónlist og valsar eftir Johann Strauss yngri, Franz Lehár, Emmerich Kálman og fleiri
-
Hljómsveitarstjóri
-
Einsöngvarar
-
Dansarar
David Klar, Denise Margrét Yaghi, Helga Sigrún Hermannsdóttir og Þorkell Jónsson
Vínartónleikar Sinfóníuhljómsveitar Íslands hafa um árabil verið allra vinsælustu tónleikar hljómsveitarinnar. Nokkur af djásnum valsakóngsins Johanns Strauss prýða efnisskrána sem hefst venju samkvæmt á forleiknum að Leðurblökunni og lýkur á Dónárvalsinum. Inn á milli heyrast meðal annars vinsælar óperettuaríur og dúettar, Heut' nacht hab' ich geträumt von dir eftir Kálman, sem hefur óvænt slegið í gegn á Íslandi á seinni árum við textann „Ég er kominn heim“. Af öðrum atriðum má nefna Kampavínsgalopp sem áhorfendur RÚV þekkja úr gamansömu tónlistarmyndbandi sem jafnan er sýnt á nýársnótt. Samkvæmisdansarar stíga einnig á svið og ljá tónleikunum einstakan hátíðarblæ.
Hrafnhildur Árnadóttir Hafstað stundaði framhaldsnám við Hollensku óperuakademíuna og hefur sungið við frábærar undirtektir bæði í Hollandi og hér heima. Sveinn Dúa Hjörleifsson er fastráðinn við Óperuna í Leipzig en var áður fastur söngvari við Óperuhúsið í Linz og söng þar fjölmörg helstu hlutverk óperubókmenntanna. Danski hljómsveitarstjórinn Christian Kluxen hefur stjórnað víða um heim og er fastagestur við Óperuhúsið í Kaupmannahöfn auk þess að vera aðalstjórnandi Sinfóníuhljómsveitarinnar í Victoria í Kanada.
Fyrir tónleikana og í hléi verður hægt að hlýða á tónlistarflutning í Hörpuhorni með Matta Kallio, Kjartani Valdemarssyni og Hauki Gröndal.