EN

Múmínálfar í söngvaferð

  • 6. maí » 14:00 Eldborg | Harpa 2.300 - 2.700 kr.
  • 6. maí » 16:00 Eldborg | Harpa 2.300 - 2.700 kr.
  • Kaupa miða
  • Efnisskrá

    Hannele Huovi og Soili Perkiö Múmínálfar í söngvaferð

  • Hljómsveitarstjóri

    Erkki Lasonpalo

  • Einsöngvarar

    Egill Ólafsson og Jóhanna Vigdís Arnardóttir

  • Kór

    Stúlknakór Reykjavíkur, Margrét Pálmadóttir kórstjóri

Múmínálfarnir sem Tove Jansson skapaði eru mörgum afar kærir og ná vinsældir þeirra langt út fyrir heimahagana. 70 ára afmæli þessara ástsælu álfa var fagnað í Finnlandi með útkomu Múmínálfa í söngvaferð, nýrrar söngvabókar með geisladiski, sem hlaut finnsku Emma-verðlaunin 2014. Það var Fílharmóníusveitin í Helsinki sem frumflutti Múmínálfa í söngvaferð eftir Soili Perkiö & Hannele Huovi vorið 2015 í útsetningum Matta Kallio, en það var upphafið að mikilli söngvaferð Múmínálfanna um gjörvallt Finnland. Nú flytur Sinfóníuhljómsveit Íslands, fyrst hljómsveita utan Finnlands, þessa geysivinsælu söngva í þýðingu Þórarins Eldjárns. Með hljómsveitinni á tónleikum koma fram stórsöngvararnir Egill Ólafsson og Jóhanna Vigdís Arnardóttir ásamt Stúlknakór Reykjavíkur.

Litríkt og fallegt myndefni fylgir tónleikunum og þannig er hægt að fylgjast með sögunni bæði í myndum og tónum. Erkki Lasonpalo stýrir Sinfóníuhljómsveit Íslands á tónleikunum, en hann stjórnaði einnig frumflutningi verkefnisins í Finnlandi.

Tónleikarnir eru hluti af hátíðardagskrá í tilefni 100 ára sjálfstæðisafmælis Finnlands 2017 og styrktir af Finnsk-íslenska menningarsjóðnum.