EN

Fyrir börn

Fyrirsagnalisti

Litli tónsprotinn - fjölskylduröðin

Litli tónsprotinn er röð vandaðra fjölskyldutónleika þar sem verkefnaval miðast við börn frá fimm ára aldri. Fernir tónleikarnir eru í röðinni sem allir eru haldnir á laugardögum kl. 14.00. Tónleikarnir eru um klukkustundar langir og án hlés.

Á Litla tónsprotanum kynnast börn á öllum aldri töfraheimi tónlistarinnar á lifandi og skemmtilegan hátt.

Litli tónsprotinn

Barnastund

Barnastundir hljómsveitarinnar er ætlaðra yngstu hlustendunum. Í Barnastundinni er flutt létt og skemmmtileg tónlist í um það bil 30 mínútur. Lengd stundarinnar er sérstaklega sniðin að þeim hópi sem er of ungur til að sitja heila tónleika í Litla tónsprotanum. Sérstakur gestur er Maxímús Músíkús. 

Tvær barnastundir verða á starfsárinu 2016-2017. Sú fyrri er laugardaginn 17. september og sú síðari laugardaginn 11. mars. Dagskráin hefst kl. 11:30.

Aðgangur er ókeypis og gott er að taka með sér púða til að sitja á.

Maxímús Músíkús

Maxímús Músíkús er fyrir löngu orðinn heimilisvinur barna á Íslandi. Ævintýrið um þessa tónelsku mús hljómaði fyrst á tónleikum Sinfóníuhljómsveitarinnar í maí 2008. Í kjölfarið fylgdi músagangur víða veröld og hafa sögur af Maxa, tónelsku músinni frá Íslandi, komið út á mörgum ólíkum tungumálum eins og kínversku, þýsku, færeysku, kóreönsku, portúgölsku og ensku. 

Maxi er einnig reglulegur gestur á fjölskyldutónleikum Sinfóníunnar, Litla tónsprotanum, og í Barnastund Sinfóníunnar. Hann á þátt í að skipuleggja skemmtilega viðburði fyrir smáfólk.

Lesa meira