Vinafélagið

Öflugt bakland Sinfóníunnar

 

Vinafélag Sinfóníuhljómsveitar Íslands var stofnað árið 2002. Markmið þess er að efla áhuga á starfi Sinfóníuhljómsveitar Íslands og rækta tengsl við þá sem bera hag hennar fyrir brjósti. Félagið stendur meðal annars fyrir kynningarfundum fyrir valda tónleika þar sem áheyrendur geta fræðst nánar um efnisskrá og annað er tengist tónleikunum.

Vinafélag Sinfóníuhljómsveitarinnar styrkir einnig fjárhagslega ákveðin verkefni tengd hljómsveitinni. Árið 2007 styrki félagið gerð heimildamyndar RÚV um tónleikaferð Sinfóníuhljómsveitarinnar til Þýskalands, árið 2008 nýja heimasíðu og árið 2009 styrkti félagið skólatónleika Sinfóníunnar. Vinafélagið hefur einnig staðið fyrir málfundum um stöðu Sinfóníunnar og hyggst áfram vera vettvangur fyrir umræðu um málefni hljómsveitarinnar. 

 

Allir geta orðið meðlimir í Vinafélaginu og hægt er að skrá sig með því að senda póst á vinafelag@sinfonia.is og gefa upp nafn, netfang, kennitölu og heimilisfang. Einnig er hægt að skrá sig í síma 545 2500 og á skrifstofu Sinfóníuhljómsveitarinnar í Háskólabíói. Árgjald Vinafélagsins er 2000 krónur.

 Vinafélagskynninguna í Neskirkju -Súpufundir

Árni Heimir Ingólfsson tónlistarfræðingur býður einnig upp á spennandi fyrirlestra á súpufundum sem verða óvenju margir í ár. Súpufundirnir verða haldnir á Kaffitorginu í Safnaðarheimili Neskirkju kl. 18.00 og verðið á súpunni er 1.500 krónur.

 

10. september  Tsjaíkovskíj og Prokofiev

15. október Richard Strauss og Brahms

5. nóvember Stravinskíj og Walton

19. nóvember Schumann og Brahms I

21. janúar Prokofiev, Ravel og Stravinskíj

25. febrúar Chopin og Bruckner

18. mars Sinfónía nr. 2 eftir Mahler. 60 ára afmælistónleikar SÍ.

25. mars Dafnis og Klói

6. maí Schumann og Brahms II

 
Stjórn Vinafélagsins er þannig skipuð:

Ingveldur G. Ólafsdóttir, formaður
Stefán P. Eggertsson, gjaldkeri
Gréta Ingþórsdóttir, ritari
Rannveig Sigurðardóttir, meðstjórnandi
Gunnar Guðjónsson, meðstjórnandi

Varastjórn:
Svanhildur Sigurðardóttir
Martin Leifsson