Martin Kuuskmann

Fagottleikari

Eistneski fagottsnillingurinn Martin Kuuskman er talinn meðal fremstu flytjenda á hljóðfæri sitt í heiminum í dag. Hann hóf hljóðfæranám í Tallinn en stundaði framhaldsnám við Manhattan School of Music og Yale-háskólann í Bandaríkjunum. Hann hefur þrívegis hlotið tilnefningu til Grammy-verðlauna og hefur starfað með hljómsveitum á borð við Eistnesku þjóðarhljómsveitina, Kammerhljómsveitina í Tallinn og St. Lukes-kammersveitina. Hann hefur frumflutt 11 fagottkonserta eftir mörg helstu tónskáld samtímans, m.a. Erkki-Sven Tüür, Christopher Theofanidis og Tõnu Kõrvits. Hann hefur komið fram sem einleikari í Carnegie Hall og var valinn til að leika Sequenza XII eftir Luciano Berio á tónleikum Fílharmóníusveitarinnar í New York árið 2008.

Kuuskman hefur frá árinu 2008 verið fyrsti fagottleikari Eistnesku þjóðarhljómsveitarinnar undir stjórn Paavo Järvi. Hann leikur kammertónlist m.a. með píanistanum Kirill Gerstein sem er íslenskum tónleikagestum að góðu kunnur. Hann hlaut tilnefningu til Grammy-verðlauna árið 2007 fyrir hljóðritun sína á fagottkonsert eftir David Chesky. Kuuskman hefur kennt við Manhattan School of Music og Lamont School of Music í Colorado, auk þess að halda meistaranámskeið víða um heim.