Dagsetning | Staðsetning | Verð |
---|---|---|
26. apr. 2024 » 19:30 » Föstudagur | Eldborg | Harpa | 3.000 - 5.300 kr. |
-
Efnisskrá
Carl Maria von Weber Fagottkonsert í F-dúr, op.75
M. Ravel Tzigane
Khachaturian Sellókonsert í e-moll
Jórunn Viðar Slátta píanókonsert
J. Sibelius Fiðlukonsert í d-moll, op.47
-
Hljómsveitarstjóri
-
Einleikarar
Helga Diljá Jörundsdóttir, fiðluleikari
Hrafn Marinó Thorarensen, fagottleikari
María Qing Sigríðardóttir, sellóleikari
Ólína Ákadóttir, píanóleikari
Tómas Vigur Magnússon, fiðluleikari
Framtíð tónlistarlífs á Íslandi hvílir á herðum þeirra ungu hljóðfæraleikara og söngvara sem um þessar mundir taka sín fyrstu skref á stóra sviðinu. Það er sérstakt tilhlökkunarefni þegar framúrskarandi ungmenni stíga fram sem einleikarar með Sinfóníuhljómsveit Íslands og njóta árangurs þrotlausrar vinnu. Í salnum sitja fjölskylda og vinir sem hafa fylgst með tónlistarnáminu um margra ára skeið og fagnaðarlætin í Eldborg eru aldrei einlægari en á þessum skemmtilegu og spennandi tónleikum.
Einleikarar á tónleikunum verða valdir í samkeppni sem haldin er árlega í samstarfi við Listaháskóla Íslands. Í ár má með sanni segja að listamennirnir ungu séu í góðum höndum því það er finnski hljómsveitarstjórinn Petri Sakari sem heldur um tónsprotann. Hann var aðalhljómsveitarstjóri Sinfóníuhljómsveitar Íslands tvívegis, á árunum 1988 til 1993 og aftur frá 1996 til 1998 og hefur í yfir 35 ár verið einn af helstu samstarfsmönnum hljómsveitarinnar.
Tónleikarnir eru u.þ.b. 2 klst. og 30 mínútur með tuttugu mínútna hléi.