EN

Star Wars - bíótónleikar

Star Wars: A New Hope með lifandi leik Sinfóníuhljómsveitar Íslands

Tryggðu þér sæti á besta verðinu. Veldu ferna eða fleiri tónleika á Regnbogakort með 20% afslætti
  • 3. apr. 2019 » 19:30 Eldborg | Harpa 3.100 - 7.500 kr. - aukasýning
  • 4. apr. 2019 » 19:30 Eldborg | Harpa 3.100 - 7.500 kr. - örfá sæti laus
  • 5. apr. 2019 » 19:30 Eldborg | Harpa UPPSELT
  • Kaupa miða
  • Star Wars: A New Hope

    Tónlist eftir John Williams við kvikmynd George Lucas

  • Hljómsveitarstjóri

    Ted Sperling

Stjörnustríð eða Star Wars er ein frægasta kvikmyndasyrpa allra tíma. Fyrsta myndin, frá árinu 1977, sló strax í gegn og má segja að ekkert lát hafi orðið á vinsældunum síðan. Nú eru myndirnar alls orðnar átta og sagan sem þar er sögð er ævintýralegri en nokkurn óraði fyrir í upphafi.

John Williams hefur samið tónlistina við allar Stjörnustríðsmyndirnar. Litrík og glæsileg tónlistin á stóran þátt í vinsældum myndanna enda hefur Williams sópað til sín verðlaunum fyrir tónlistina. Alls notar hann um 50 stef sem snúa aftur og tengjast ákveðnum persónum eða kringumstæðum, rétt eins og Richard Wagner gerði í óperum sínum meira en 100 árum fyrr. 

Í upphaflegu myndinni frá 1977 lék Sinfóníuhljómsveit Lundúna tónlistina, en á þessum tónleikum verður myndin sýnd við lifandi flutning Sinfóníuhljómsveitar Íslands. Þetta eru tónleikar sem enginn kvikmyndaunnandi má missa af.

Kvikmyndin er sýnd með íslenskum texta og er áætlaður sýningartími tveir og hálfur klukkutími með hléi. Athugið að börn yngri en 12 ára þurfa að vera í fylgd forráðamanna.