Hugmyndir að Regnbogakorti
Fyrirsagnalisti
![](/media/myndir-2024/25/c370x320/vikingur_heidar.png)
Íslenska röðin
Sinfóníuhljómsveit Íslands leikur fjölda íslenskra tónverka á starfsárinu og fær til liðs við sig fjölbreyttan hóp íslenskra listamanna. Á starfsárinu hljómar m.a. verk eftir Önnu Þorvaldsdóttur, Pál Ragnar Pálsson, Jón Leifs, Daníel Bjarnason, Þórð Magnússon, Ingibjörgu Ýr Skarphéðinsdóttur og Magnús Blöndal Jóhannsson. Af listamönnum sem koma fram með hljómsveitinni má nefna Ólaf Kjartan Sigurðsson, Sigrúnu Eðvaldsdóttur, Stefán Jón Bernharðsson, Daníel Bjarnason, Ara Þór Vilhjálmsson, Katie Buckley og Víking Heiðar Ólafsson.
![](/media/myndir-2024/25/c370x320/sigurdarson-isolde-stein-leibold_8.jpeg)
Einleikarar og söngvarar í fremstu röð
Hver stjarnan á fætur annarri mætir til leiks á næsta starfsári. Fiðluleikararnir Rainer Honeck, Dmytro Udovychenko og Ava Bahari sækja ísland heim ásamt píanistunum Lise de la Salle, Víkingi Heiðari Ólafssyni og Claire Huangci. Ólafur Kjartan Sigurðsson mun einnig bjóða til Wagner-veislu og óperugala en hann er jafnframt staðarlistamaður Sinfóníuhljómsveitar Íslands 2023/24.
![](/media/myndir-2024/25/c370x320/yo-yo-ma-464v3-by-jason-bell-4-.jpg)
Hápunktar á 75 ára afmælisári
Í mars 2025 verða 75 ár liðin frá því Sinfóníuhljómsveit Íslands hélt sína fyrstu tónleika. Í tilefni af afmælinu býður hljómsveitin upp á einstaklega glæsilega dagskrá þar sem hljómsveitin fær til sín einvalalið listamanna og leiðandi hljóðfæraleikarar úr röðum hljómsveitarinnar bjóða gestum upp sannkallaða tónlistarveislu.