Daníel Bjarnason
Hljómsveitarstjóri
Listamaður í samstarfi
Daníel Bjarnason hefur átt farsælt samstarf við Sinfóníuhljómsveit Íslands í rúman áratug, sem hljómsveitarstjóri og tónskáld. Hann var staðarlistamaður á árunum 2015 til 2018 og aðalgestastjórnandi á árunum 2019 til 2021, en starfar nú með sveitinni sem listamaður í samstarfi.
Tónsmíðar Daníels hafa vakið mikla athygli utan landsteinanna og hafa verið frumflutt eftir hann verk hjá helstu hljómsveitum heims af stjórnendum á borð við Gustavo Dudamel, Esa-Pekka Salonen og John Adams.
Á starfsárinu 2026/27 mun Daníel stjórna hljómsveitinni á Klassíkinni okkar í upphafi starfsársins, Daða Frey og Sinfó á Airwaves tónlistarhátíðinni og áskriftartónleikum í verkum eftir Sibelius og Ádes ásamt fiðluleikaranum Johan Dalene. Að lokum mun Daníel stjórna hljómsveitinni í hljóðritunum hjá útgáfufyrirtækinu Sono Luminus.