EN

Ungsveit SÍ 2020

Umsóknafrestur er til 1. apríl

 

Hljómsveitarnámskeið Ungsveitar Sinfóníuhljómsveitar Íslands 2020 stendur frá mánudeginum 14. september til sunnudagsins 27. september 2020. Verkefni Ungsveitarinnar að þessu sinni verður önnur sinfónía Sibeliusar undir stjórn Eivinds Aadland. Eivind hefur átt farsælt samstarf með Sinfóníuhljómsveit Íslands og Ungsveitinni og náð þar framúrskarandi árangri.

Hljómsveitarnámskeiðinu lýkur með glæsilegum stórtónleikum í Eldborg, Hörpu, sunnudaginn 27. september kl. 17:00.

Prufuspil verða haldin í Hörpu mánudaginn 4. maí og þriðjudaginn 5. maí nk.

Raddæfing að vori fyrir allar deildir verður haldin í Hörpu þriðjudaginn 9. júní nk.

Allir nemendur þurfa að sækja um til að leika með hljómsveitinni, líka þeir sem spiluðu með síðast. Umsóknarfrestur er til miðnættis 1. apríl. 

 

Umsóknareyðublað fyrir 2020

 

Umsækjendur fá staðfestingu á að umsókn hafi verið móttekin. Prufuspilspartar verða sendir út til nemenda í tölvupósti við fyrsta tækifæri eftir að umsókn hefur borist en prufuspilstímar verða sendir öllum umsækjendum eftir að umsóknarfrestur rennur út.

Sérstök prufuspil verða haldin um stöðu konsertmeistara. Hver umsækjandi þarf að leika fyrsta þátt úr fiðlukonsert nr. 3, 4 eða 5 eftir W.A. Mozart, ásamt kadenzu. Leikið er án píanómeðleiks.

Þeim sem ekki geta mætt í prufuspilið er bent á að senda inn myndbandsupptöku með hljóði í góðum gæðum á neðangreint netfang. Myndbandið á að vera tekið í einni töku. Ekki er hægt að sækja um konsertmeistarastöðu með innsendu myndbandi. Dómnefnd getur farið fram á að hljóðfæraleikari sem sendir inn myndband verði látin leika um sæti innan sinnar deildar að hausti.

Nemendum sem standast prufuspil verður boðið sæti í Ungsveit SÍ 2020 og þurfa þeir við upphaf námskeiðsins greiða 12.500 kr. skráningargjald sem er óafturkræft.

Vinsamlegast athugið að Ungsveit SÍ er aðallega hugsuð sem vettvangur fyrir samspil nemenda sem lokið hafa miðprófi hið minnsta. Mikil samkeppni er um sæti í Ungsveitinni og þess vegna er lykilatriði að koma vel undirbúin/undirbúinn til leiks.

Athugið að námskeiðið í ár stendur yfir í hálfan mánuð eins og á afmælisárinu í fyrra. Raddæfingar verða haldnar í vor í öllum deildum þar sem farið verður yfir krefjandi staði í takti, nótnalestri og samspili. Tímasetningar á þeim æfingum verða sendar út síðar. Nauðsynlegt er að allir þátttakendur kunni sínar raddir mjög vel þegar mætt er til leiks á fyrstu æfingu í haust þar sem æfingaáætlun Ungsveitarinnar er mjög þétt. Æfingaáætlun Ungsveitar er unnin í samvinnu við MÍT (Menntaskóla í tónlist) og munu nemendur skólans frá frí til að stunda æfingar Ungsveitarinnar þar sem æfingatími sveitarinnar og stundaskrá skólans skarast. Þeir nemendur sem taka þátt í starfi Ungsveitarinnar skuldbinda sig til að mæta á allar æfingar hennar. Engin leyfi verða veitt.

Upplýsingar um Ungsveit SÍ 2020 veitir
Hjördís Ástráðsdóttir, fræðslustjóri
Sími 5452504/8988934
hjordis@sinfonia.is