Ungsveitarnámskeið SÍ
Næsta námskeið Ungsveitarinnar verður haldið 11.-24. september 2023. Opið er fyrir umsóknir um prufuspil til miðnættis 5. mars. Sjá nánar hér.
Hljómsveitarnámskeið Ungsveitarinnar 2023 stendur frá mánudeginum 11. september til sunnudagsins 24. september. Verkefni Ungsveitarinnar að þessu sinni verður Draumórasinfónían eftir Berlioz undir stjórn Nathanaël Iselin, staðarhljómsveitarstjóra Sinfóníuhljómsveitar Íslands. Hljómsveitarnámskeiðinu lýkur með glæsilegum stórtónleikum í Eldborg, Hörpu, sunnudaginn 24. september kl. 17:00.
Umsóknareyðublað fyrir Ungsveit Sinfóníuhljómsveitar Íslands 2022 er að finna hér. Það þarf að fylla út og senda í tölvupósti á Hjördísi Ástráðssdóttur fræðslustjóra á hjordis.astradsdottir@sinfonia.is. Umsækjendur fá staðfestingu á að umsókn hafi verið móttekin ásamt prufuspilspörtum. Prufuspilstímar verða sendir öllum umsækjendum eftir að umsóknarfrestur er runninn út. Allir nemendur þurfa að sækja um til að eiga möguleika á þátttöku, einnig þeir sem hafa leikið áður með Ungsveitinni. Umsóknarfrestur er til miðnættis 5. mars nk.
Ungsveitin er hugsuð sem vettvangur fyrir samspil tónlistarnemenda sem lokið hafa miðprófi. Henni er ætlað að gefa nemendum tækifæri á að kynnast starfsumhverfi atvinnuhljóðfæraleikara, auk þess sem nemendur fá að starfa með hljóðfæraleikurum og hljómsveitarstjórum á heimsmælikvarða.
nánari upplýsingar fyrir umsækjendur
Upplýsingar um Ungsveit SÍ 2023 veitir
Hjördís Ástráðsdóttir, fræðslustjóri
Sími 5452504/8988934
hjordis@sinfonia.is