Bertrand Chamayou

Staðarlistamaður

Franski píanóleikarinn Bertrand Chamayou er staðarlistamaður starfsársins. Hann er einn mest skapandi píanóleikari samtímans, þekktur fyrir túlkun sína sem er í senn kraftmikil, hugmyndarík og einstaklega falleg. Chamayou er leiðandi í túlkun franskrar tónlistar, til dæmis á verkum eftir Ravel, Liszt og Messiaen. Hann býr jafnframt yfir djúpri ástríðu fyrir nýrri tónlist og hefur unnið með tónskáldum á borð við Pierre Boulez, Henri Dutilleux, Thomas Adès og fleirum. Chamayou leikur reglulega í virtustu tónleikasölum heims og hefur hlotið fjölda verðlauna fyrir upptökur sínar, m.a. á öllum píanóverkum Ravels. Á þessu starfsári leikur Chamayou á alls fernum tónleikum. Hann kemur fram sem einleikari á tvennum tónleikum með Sinfóníuhljómsveit Íslands undir stjórn Hannigan þar sem hann mun flytja tvo glæsilega píanókonserta. Auk þess leikur hann á einleikstónleikum og kammertónleikum með Barböru Hannigan en þau hafa starfað reglulega saman.