EN

Tónlistarnemar

Fyrirsagnalisti

Hljómsveitarstjóra-akademían

Í Hljómsveitarstjóra-akademíu Sinfóníuhljómsveitar Íslands fá ungir og efnilegir stjórnendur tækifæri til að stjórna hljómsveitinni undir handleiðslu og leiðsögn Evu Ollikainen aðalhljómsveitarstóra og Bjarna Frímanns Bjarnasonar staðarhljómsveitarstjóra.

Lesa meira

Tónskáldastofa Yrkju

Sinfóníuhljómsveit Íslands hefur tekið þátt í Yrkju frá árinu 2015. Yrkja er samstarfsverkefni Íslenskrar tónverkamiðstöðvar og ýmissa tónlistarstofnana og tónlistarhópa og miðar að því að búa ný tónskáld undir starf í faglegu umhverfi hjá hljómsveitum, hátíðum og öðrum listastofnunum.

Staðartónskáld Sinfóníuhljómsveitar Íslands hafa undanfarin ár leiðbeint yrkju-tónskáldunum í tónskáldastofunni. Hljómsveitin hefur síðan frumflutt verk þeirra á opnum hádegistónleikum í Hörpu.

Lesa meira

Ungsveit Sinfóníunnar

Eitt mikilvægasta hlutverk sinfóníuhljómsveita um allan heim er að miðla þekkingu sinni og áhuga til nýrra kynslóða hljóðfæraleikara. Undanfarin ár hafa tæplega hundrað ungmenni úr tónlistarskólum landsins tekið þátt í Ungsveitarnámskeiði SÍ Sinfóníuhljómsveitarinnar og náð undraverðum árangri.

Næstu tónleikar Ungsveitarinnar verða 26. september 2021.

Lesa meira

Ungir einleikarar

Einleikarakeppni SÍ og LHÍ

Á hverju ári heldur Sinfóníuhljómsveitin í samstarfi við Listaháskóla Íslands einleikarakeppni sem er opin öllum tónlistarnemum á háskólastigi, óháð því hvaða skóla þeir sækja. 

Næstu tónleikar Ungra einleikara verður 20. maí 2021.

Lesa meira

Samvinna við skólahljómsveitir

Sinfóníuhjómsveit Íslands hefur frá árinu 2014 unnið að þróunarverkefni  í samstarfi við skólahljómsveitir á höfuðborgarsvæðinu. Með samstarfinu undirstrikar hljómsveitin mikilvægi þess að starfræktar séu öflugar skólahljómsveitir þar sem ungmenni komist í kynni við kraftmikla tónlistariðkun og –uppeldi. 

Árið 2016 hófst samstarf Sinfóníuhljómsveitarinnar við Skólahljómsveit Kópavogs en fyrir það verkefni veitti Menntaráð Kópavogs, Kópinn, viðurkenningu fyrir framúrskarandi verkefni í skólastarfi. Í apríl 2018 var síðan lagður grunnur að samstarfi við Skólahljómsveit Austurbæjar.

Lesa meira