EN

Tónlistarnemar

Fyrirsagnalisti

Hljómsveitarstjóra-akademían

Í Hljómsveitarstjóra-akademíu Sinfóníuhljómsveitar Íslands fá ungir og efnilegir stjórnendur tækifæri til að stjórna hljómsveitinni undir handleiðslu og leiðsögn Evu Ollikainen aðalhljómsveitarstóra og Kornilios Michalidis staðarhljómsveitarstjóra.

Tónskáldastofa Yrkju

Sinfóníuhljómsveit Íslands hefur tekið þátt í Yrkju frá árinu 2015. Yrkja er samstarfsverkefni Íslenskrar tónverkamiðstöðvar og ýmissa tónlistarstofnana og tónlistarhópa og miðar að því að búa ný tónskáld undir starf í faglegu umhverfi hjá hljómsveitum, hátíðum og öðrum listastofnunum.

Staðartónskáld Sinfóníuhljómsveitar Íslands hafa undanfarin ár leiðbeint yrkju-tónskáldunum í tónskáldastofunni. Hljómsveitin hefur síðan frumflutt verk þeirra á opnum hádegistónleikum í Hörpu.

Ungsveit Sinfóníunnar

Eitt mikilvægasta hlutverk sinfóníuhljómsveita um allan heim er að miðla þekkingu sinni og áhuga til nýrra kynslóða hljóðfæraleikara. Undanfarin ár hafa tæplega hundrað ungmenni úr tónlistarskólum landsins tekið þátt í Ungsveitarnámskeiði SÍ Sinfóníuhljómsveitarinnar og náð undraverðum árangri.

Næsta námskeið Ungsveitarinnar verður haldið 12.-25. september 2022. Opið er fyrir umsóknir um prufuspil til 6. mars. Sjá nánar hér.

Ungir einleikarar

Einleikarakeppni SÍ og LHÍ

Á hverju ári heldur Sinfóníuhljómsveitin í samstarfi við Listaháskóla Íslands einleikarakeppni sem er opin öllum tónlistarnemum á háskólastigi, óháð því hvaða skóla þeir sækja. 

Næstu tónleikar Ungra einleikara verða vorið 2022, en hinum ráðgerðu tónleikum sem fram áttu að fara 13. janúar var frestað vegna samkomutakmarkana.