Harpa Ósk Björnsdóttir

Sópran

Sópransöngkonan Harpa Ósk Björnsdóttir er búsett í Basel í Sviss og hefur verið meðlimur í OperAvenir-söngvarahópi Theater Basel frá 2024. Á starfsárinu 2025/26 fór hún meðal annars með hlutverk Paminu í Töfraflautunni eftir Mozart og flutningi á Carmina Burana eftir Orff með Sinfóníuhljómsveitinni í Basel. Á undanförnum árum hefur hún komið fram með Sinfóníuhljómsveit Íslands við nokkur tækifæri, sungið á Oper Leipzig með Gewandhaus-hljómsveitinni og á Oper Halle með Staatskapelle Halle, og flutt Woglinde í Götterdämmerung eftir Wagner við Bühnen Bern. Hún stundaði nám við óperudeild Bayerisches Theaterakademie August Everding við Prinzregenten-óperuhúsið í München og við Felix Mendelssohn tónlistarháskólann í Leipzig. Harpa hefur einnig lokið BS-prófi í rafmagns- og tölvuverkfræði frá Háskóla Íslands.

Harpa þreytti frumraun sína með Íslensku óperunni í hlutverki Barbarinu í Brúðkaupi Fígarós eftir Mozart, var einn sigurvegara Ungra einleikara, keppni Sinfóníuhljómsveitar Íslands og LHÍ, og sigraði í háskólaflokki keppninnar Vox Domini þar sem hún hlaut titilinn „Rödd ársins 2019“.