EN

Harpa Ósk Björnsdóttir

Einsöngvari

Harpa Ósk Björnsdóttir er fædd 1994 í Kópavogi. Hún hóf að læra á píanó fjögurra ára hjá Kristni Erni Kristinssyni og hóf söngnám 15 ára gömul hjá Þóru Björnsdóttur. Haustið 2012 hóf Harpa nám við Söngskólann í Reykjavík hjá Ólöfu Kolbrúnu Harðardóttur og lauk 8. stigsprófi í söng frá skólanum vorið 2018. Í dag stundar hún nám á bakkalárstigi við Listaháskóla Íslands undir leiðsögn Ólafar Kolbrúnar, Hönnu Dóru Sturludóttur, Kristins Sigmundssonar og Þóru Einarsdóttur. Kórar hafa leikið stórt hlutverk í lífi Hörpu og syngur hún í Graduale Nobili undir stjórn Þorvaldar Arnar Davíðssonar. Harpa söng hlutverk Næturdrottningarinnar í uppfærslu nemendaóperu Söngskólans á Töfraflautunni í Hörpu vorið 2017 og söng fyrir rödd aðalpersónu kvikmyndarinnar Þrestir. Hún hefur tekið þátt í meistaranámskeiðum, m.a. hjá Austrian Master classes og kom fram á tónleikum í Nuuk á Grænlandi síðastliðið sumar. Samhliða tónlistarnámi hefur Harpa stundað nám við rafmagnsverkfræðideild Háskóla Íslands.