Töfrandi Sinfónía

Töfrabrögð og sjónhverfingar verða í forgrunni þegar Lalli töframaður og Sinfóníuhljómsveit Íslands sameina krafta sína á tónleikum í Litla tónsprotanum. Dagskráin verður ekki síður töfrandi þar sem mörg eftirlætislög hljóma, eins og Smile eftir Charlie Chaplin, Lærisveinn galdrameistarans eftir Dukas og vinsæl lög úr söngleikjum á borð við Frozen og Mary Poppins.

Sýningar Lalla töframanns njóta vinsælda hjá börnum á öllum aldri og á tónleikunum verður mögnuðum töfrabrögðum hans varpað upp á stóra tjaldið í Eldborg svo allir fái notið þeirra sem best.

Tónleikarnir, sem eru sniðnir að ungum áheyrendum, eru um klukkustundarlangir, án hlés.