EN

Tónelskir töfrar ­

Tryggðu þér besta verðið með 20% afslætti með því að kaupa miða á ferna tónleika eða fleiri – Regnbogakort
Dagsetning Staðsetning Verð
10. nóv. 2022 » 20:00 » Fimmtudagur Eldborg | Harpa 2.700 - 7.700 kr.
Kaupa miða
Tónleikakynning » 10. nóv. kl. 18:30 — Hörpuhorn

Galdrar og töfrar eru í aðalhlutverki á þessum klukkustundarlöngu tónleikum í Grænu röðinni hjá Sinfóníuhljómsveit Íslands, en þeir hefjast á forleiknum að óperu Mozarts, Töfraflautunni, áður en leiðin liggur í ævintýraheim J.K. Rowling en tónlistin leikur stórt hlutverk í kvikmyndunum um Harry PotterTM.

Þá leikur Páll Palomares, leiðari 2. fiðlu Sinfóníuhljómsveitar Íslands, hið vinsæla og töfrum slungna Sígaunaljóð spænska tónskáldsins Pablos de Sarasate en meðal þekktustu stefja verksins er laglínan sem Íslendingar þekkja vel undir nafninu Til eru fræ. Lærisveinn galdrameistarans eftir Paul Dukas byggir á kvæði Johanns Wolfgangs von Goethe en margir þekkja bæði tónlistina og söguna af lærisveininum seinheppna úr Disney-teiknimyndinni Fantasíu. Tónleikunum lýkur svo á lokakaflanum úrævintýrinu um Eldfuglinn eftir Stravinskíj.

Tónleikarnir eru um klukkustundarslangir án hlés og er einnig sjónvarpað beint á RÚV.