EN

Prokofíev og Tsjajkovskíj

Áskrift að tónleikaröð eða Regnbogakorti tryggir þér öruggt sæti á besta verðinu með 20% afslætti
Dagsetning Staðsetning Verð
27. mar. 2025 » 19:30 » Fimmtudagur Eldborg | Harpa 2.900 - 9.800 kr.
Kaupa miða
  • Efnisskrá

    Anna Clyne This Midnight Hour
    Sergei Prokofíev Píanókonsert nr. 3
    Pjotr Tsjajkovskíj Sinfónía nr. 6, „Pathétique“

  • Hljómsveitarstjóri

    David Danzmayr

  • Einleikari

    Claire Huangci

Það tók rússneska tónskáldið Sergei Prokofíev átta ár að ljúka við þriðja píanókonsert sinn, en tónskáldið frumflutti hann sjálfur í Chicago haustið 1921, enda mikill píanósnillingur. Ári síðar spilaði hann verkið undir stjórn landa síns Serge Koussevitzkyí í París og hefur það síðan verið álitið eitt af helstu píanóverkum 20. aldarinnar. Það er kínverskbandaríski píanóleikarinn Claire Huangci sem flytur okkur píanókonsertinn en hún kemur hér fram í annað skiptið með Sinfóníuhljómsveit Íslands. Tónleikar hennar árið 2023 þóttu ótrúlega vel heppnaðir og sagði gagnrýnandi Fréttablaðsins túlkun hennar á píanókonsert Ravels ferska, safaríka, spennuþrungna og áleitna.

Sjötta sinfónía rússneska tónskáldsins Pjotr Tsjajkovskíjs, einnig þekkt undir nafninu Pathétique, var hans síðasta tónverk en Tsjaíjkovskíj lést aðeins níu dögum eftir að hann stjórnaði frumflutningi verksins í Sankti Pétursborg haustið 1893. „Ég hef gefið alla sál mína í þessa sinfóníu,“ skrifaði tónskáldið um sinfóníuna, en hann taldi hana sitt besta verk. Verkið er ástríðuþrungið og tregafullt en í stað þess að átökum þess ljúki í sigurreifum fögnuði eins og títt var um sinfóníur nítjándu aldar lýkur því á einkar frumlegan og áhrifamikinn hátt; í hægum, djúpum harmi.

This Midnight Hour eftir breska tónskáldið Önnu Clyne, verður Íslandsfrumflutt á þessum tónleikum. Verkið er innblásið af ljóðunum La Musica eftir Juan Ramón Jimi og Harmonie du soir eftir Charles Baudelaire. Clyne segir um verkið: „Þó það innihaldi ekki neina ákveðna frásögn, er það von mín að það kalli fram sjónrænt ferðalag hjá hlustandanum.“

*Tónleikarnir eru u.þ.b. tvær klst. með tuttugu mínútna hléi.