EN

Valkyrja Wagners

Sinfóníuhljómsveit Íslands og Íslenska óperan á Listahátíð í Reykjavík

Tryggðu þér besta verðið með 20% afslætti með því að kaupa miða á ferna tónleika eða fleiri – Regnbogakort
Dagsetning Staðsetning Verð
24. feb. 2022 » 18:00 - 23:00 » Fimmtudagur Eldborg | Harpa 6.500 - 12.900 kr.
26. feb. 2022 » 16:00 - 21:00 » Laugardagur Eldborg | Harpa 6.500 - 12.900 kr.
Kaupa miða
  • Hlutverk

    Iréne Theorin Brünnhilde
    Christopher Ventris Siegmund
    Christa Mayer Fricka
    Claire Rutter Sieglinde
    Ólafur Kjartan Sigurðarson Wotan
    Kristinn Sigmundsson Hunding
    Lilja Guðmundsdóttir Helmwige
    Sigrún Pálmadóttir Gerhilde
    Margrét Hrafnsdóttir Ortlinde
    Sigríður Ósk Kristjánsdóttir Waltraute
    Agnes Thorsteins Siegrune
    Guja Sandholt Roβweiβe
    Hildigunnur Einarsdóttir Grimgerde
    Svanhildur Rósa Pálmadóttir Schwertleite

  • Verk

    Richard Wagner Die Walküre (The Valkyrie)

  • Hljómsveitarstjóri

    Eva Ollikainen

  • Leikstjórn

    Julia Burbach og Tal Rosner

  • Vídeóhönnun og útlit

    Tal Rosner

Niflungahringur Richards Wagner er án nokkurs vafa ein metnaðarfyllsta ópera sem fyrirfinnst í tónlistarsögunni. Þessi magnaða ópera er eitt af helstu meistaraverkum tónlistar á 19. öld og Valkyrjureiðin fræga er flestum kunn. Nú hljómar Valkyrjan í fyrsta sinn í heild á Íslandi og þetta er í fyrsta sinn síðan árið 2002 sem ópera Wagners er sýnd hér í fullri lengd. 

Fjórar óperur mynda Niflungahringinn og við smíði sögunnar sótti Wagner ekki aðeins efni í hið þýska Niflungaljóð, heldur einnig Eddukvæði, Snorra-Eddu og Völsunga sögu sem hann átti í fórum sínum í þýskri þýðingu. Hann vann að verkinu í um aldarfjórðung og hér fékk gáfa hans bæði sem tónskáld og textahöfundur að njóta sín til fulls. 

Efnisþráður Valkyrjunnar er að miklu leyti sóttur í Völsunga sögu. Fárviðri geisar og Siegmund leitar skjóls í húsi Sieglinde og manns hennar, Hundings. Þau Sieglinde fella hugi saman og valkyrjan Brynhildur, dóttir Óðins, óhlýðnast föður sínum með því að liðsinna Sigmundi þar sem hann heyr einvígi við Hunding. Óðinn refsar henni með því að svipta hana guðdómleikanum, breytir henni í mennska konu sem skal liggja sofandi á bjarginu umvafin vafurlogum og ekki vakna fyrr en mikil hetja fær sigrast á logunum og vakið hana með kossi.

Sópransöngkonan Iréne Theorin fer með hlutverk Brynhildar, en hún hefur meðal annars sungið hlutverkið við Staatsoper Berlin undir stjórn Daniels Barenboim. Önnur hlutverk syngja m.a. Christa Mayer, Christopher Ventris, Ólafur Kjartan Sigurðarson, Kristinn Sigmundsson og Lilja Guðmundsdóttir. Hljómsveitinni stjórnar Eva Ollikainen, aðalstjórnanda Sinfóníuhljómsveitar Íslands. Leikstjórinn er Julia Burbach en hún er fastráðin við Covent Garden í Lundúnum. Vídeólistamaðurinn Tal Rosner hefur meðal annars unnið til BAFTA-verðlauna fyrir list sína, en hann hefur m.a. starfað við National Theatre í Lundúnum og Lincoln Center í New York.

Valkyrjan er samstarfsverkefni Sinfóníuhljómsveitar Íslands, Íslensku óperunnar og Listahátíðar í Reykjavík í samvinnu við Opéra National de Bordeaux. Flutningur verksins tekur fimm klukkustundir og eru tvö hlé innifalin (45 og 30 mínútur).

Nýjar dagsetningar
Viðburðurinn var upphaflega á dagskrá í maí 2020 og var frestað til febrúar 2021. Nú hefur honum verið frestað til ársins 2022 og færast aðgöngumiðar sjálfkrafa yfir á nýja dagsetningu:
Fim. 24. febrúar 2022 kl. 18:00 (áður 25. febrúar 2021)
Laug, 26. febrúar 2022 kl. 16:00 (áður 27. febrúar 2021)