EN

Dísella og Danzmayr

Tryggðu þér besta verðið með 20% afslætti með því að kaupa miða á ferna tónleika eða fleiri – Regnbogakort
Dagsetning Staðsetning Verð
15. sep. 2022 » 19:30 » Fimmtudagur Eldborg | Harpa 2.900 - 8.700 kr
Kaupa miða
  • Efnisskrá

    Charles Ives Three Places in New England
    Wolfgang Amadeus Mozart Ach ich liebte, war so glücklich
    Leonard Bernstein Glitter and be Gay
    Antonín Dvořák Sinfónía nr. 9

  • Hljómsveitarstjóri

    David Danzmayr

  • Einsöngvari

    Dísella Lárusdóttir

Tónleikakynning » 15. sep. kl. 18:00

Á þessum tónleikum Sinfóníuhljómsveitar Íslands hljóma ýmis verk með tengsl við nýja heiminn undir stjórn Davids Danzmayr, sem nýtur mikillar velgengni sem hljómsveitarstjóri vestanhafs. Sinfónían „Úr nýja heiminum“ er eitt af lykilverkum í þjóðlegri sinfóníusmíði 19. aldar, en hana samdi Dvořák þegar hann var búsettur í Bandaríkjunum. Frumkvöðullinn Charles Ives sækir líka innblástur í tónlist heimamanna vestra, þar á meðal í ættjarðarsöngva, hergöngulög og sálma, en Þrír staðir í Nýja Englandi er meðal vinsælustu tónsmíða hans.

Dísella Lárusdóttir hefur unnið hvern listrænan sigurinn á fætur öðrum sem söngkona við Metrópólitan-óperuna í New York. Söngur hennar hefur hlotið mikið lof gagnrýnenda, til að mynda í stórblaðinu New York Times, sem hrósaði henni fyrir fádæma nákvæmni í bland við magnaða túlkun í óperu Philips Glass, Akhnaten. Fyrir hljóðritun á þeirri óperu hlutu Dísella og félagar á Metrópólitan Grammy-verðlaun í apríl 2022. Nú syngur Dísella bæði tregablandna aríu Konstönsu úr Brottnáminu úr kvennabúrinu eftir Mozart og virtúósískan söng Kúnígúndar, Glitter and be Gay, úr Birtíngi eftir Leonard Bernstein.