EN

Harry Potter og viskusteinninn™️ In Concert

Tryggðu þér besta verðið með 20% afslætti með því að kaupa miða á ferna tónleika eða fleiri – Regnbogakort
Dagsetning Staðsetning Verð
25. nóv. 2021 » 19:00 » Fimmtudagur Eldborg | Harpa 3.100 – 7.500 kr.
26. nóv. 2021 » 19:00 » Föstudagur Eldborg | Harpa 3.100 – 7.500 kr.
27. nóv. 2021 » 14:00 » Laugardagur Eldborg | Harpa 3.100 – 7.500 kr.
Kaupa miða
  • Efnisskrá

    Harry Potter og viskusteinninn™️
    Chris Columbus leikstjórn
    John Williams tónlist

  • Hljómsveitarstjóri

    Timothy Henty

UPPLÝSINGAR TIL TÓNLEIKAGESTA
Samkvæmt núgildandi reglugerð um sóttvarnir verða allir gestir fæddir 2015 og fyrr að sýna neikvæða niðurstöðu úr hraðprófi við komu á þennan viðburð.
Hraðpróf eru aðgengileg víða, gjaldfrjáls og gilda í 48 klst.
Salnum er ennfremur skipt upp í þrjú svæði og grímuskylda er allan tímann fyrir alla fædda 2005 og fyrr.

Á höfuðborgarsvæðinu er hægt að fara í hraðpróf á eftirfarandi stöðum:

• Heilsugæsla höfuðborgarsvæðisins býður upp á hraðpróf á Suðurlandsbraut 34; www.hradprof.covid.is

• Covidtest býður upp á hraðpróf bæði á Kleppsmýrarvegi 8 og í Hörpu. Aðstaðan í Hörpu er í kjallara hússins, beint á móti inngangi frá bílastæðakjallara; www.covidtest.is – athugið að hraðprófsstöð í Hörpu lokar kl. 18

• Öryggismiðstöðin býður upp á hraðpróf við Kringluna og BSÍ; www.testcovid.is

Utan höfuðborgarsvæðis www.hradprof.covid.is

____________________________________________

Harry Potter og viskusteinninn™️ á tónleikum

Kvikmyndin Harry Potter og viskusteinninn™️ kom út árið 2001 og var fjölsóttasta mynd ársins. Með myndinni öðluðust leikararnir ungu, Daniel Radcliffe og Emma Watson, heimsfrægð og þessi ævintýraveröld varð ljóslifandi á hvíta tjaldinu. Myndin hlaut þrjár tilnefningar til Óskarsverðlauna (ACADEMY AWARDS®) og sjö framhaldsmyndir bættust við á næstu níu árum.

Tónlistin leikur stórt hlutverk í myndunum um Harry Potter™️ enda sjálfur John Williams sem samdi hana og hefur hlotið fyrir hana fjölda viðurkenninga. Williams notar leiðsögustef í tónlist sinni, lætur meginpersónur og staði hafa eigin stef sem hafa sterkan blæ, til dæmis erkióvininn Voldemort™️, galdraskólann Hogwarts™️, vináttustefið, og meginstefið sem kennt er við ugluna Hedwig™️.

Tónlistin við þessa frábæru mynd lifnar við í lifandi flutningi Sinfóníuhljómsveitar Íslands, sem leikur við sjálfa myndina.

WIZARDING WORLD and all related trademarks, characters, names, and indicia are © & ™ Warner Bros. Entertainment Inc. Publishing Rights © JKR. (s21)

Sækja tónleikaskrá