Tomáš Hanus

Hljómsveitarstjórinn Tomáš Hanus hefur tekið við stöðu aðalgestastjórnanda Sinfóníuhljómsveitar Íslands og mun gegna þeirri stöðu starfsárin 2025/26 og 2026/27. Hanus mun stjórna hljómsveitinni á tvennum tónleikum í Eldborg á hvoru starfsári. Tomáš Hanus er hljómsveitinni og íslenskum tónleikagestum ekki alls ókunnur enda hefur hann verið reglulegur gestastjórnandi hjá Sinfóníuhljómsveit Íslands. Hanus hefur verið aðalhljómsveitarstjóri þjóðaróperunnar í Wales frá haustinu 2016. Hann hefur stjórnað mörgum þekktum hljómsveitum í Evrópu; Sinfóníuhljómsveit Lundúna (London Symphony Orchestra) og breska ríkisútvarpsins (BBC Symphony Orchestra), Þýsku sinfóníuhljómsveitinni í Berlín og fjölmörgum öðrum. Hanus hefur verið tíður gestastjórnandi við Ríkisóperuna í Vínarborg og stjórnað óperuuppfærslum við Bæheimsku ríkisóperuna í München, við Þjóðaróperuna í París og La Scala í Mílanó. Á þessu starfsári stjórnar Tomáš Hanus hljómsveitinni á tónleikum 20. nóvember og 5. mars.