Leiðbeiningar til gesta vegna Covid
Sinfóníuhljómsveit Íslands leggur áherslu á ábyrgt viðburðahald og fylgir í einu og öllu núgildandi reglum og viðmiðum um samkomutakmarkanir. Útfærslur á viðburðahaldi hafa verið unnar í nánu samstarfi við almannavarnir með fagmennsku og áreiðanleika að leiðarljósi.
Grundvöllur ábyrgs viðburðahalds í Hörpu byggir á eftirfarandi:
- Ávallt er eitt til tvö auð sæti á milli pantana í Eldborg til að tryggja nálægðarmörk milli tónleikagesta. Gestir eru beðnir að setjast eingöngu í það sæti sem er merkt á aðgöngumiðanum.
- Samkvæmt sóttvarnarlögum ber gestum skylda að vera með grímu á tónleikum.
- Eldborg er skipt upp í sóttvarnarsvæði þar sem hámarskfjölda samkomu-takmarkanna er fylgt. Vinsamlegast notið þann inngang sem merktur er á aðgöngumiðanum. Salerni eru skilgreind og aðskilin fyrir hvert sóttvarnarsvæði.
- Framhús og almenningsrými í Hörpu eru stór og rúmgóð. Þau eru opin og aðgengileg viðburðagestum án takmarkanna en gestum er bent á að virða nálægðartakmarkanir. Við hvetjum gesti einnig til að mæta tímanlega til að dreifa álagi og koma í veg fyrir biðraðir. Salurinn opnar hálftíma áður en tónleikarnir hefjast.
- Gestir eru markvisst hvattir til að sýna ábyrgð og sinna einstaklingsbundnum smitvörnum.
- Spritt er aðgengilegt í miðasölu og í almannarými þar sem streymi gesta er hvað mest. Sótthreinsun svæða í almenningsrýmum og sölum er meiri en alla jafna þar sem aukin áhersla er lögð á snertifleti eins og lyftur, hurðarhúna, og handrið. Sótthreinsun á helstu snertiflötum í sölum er framkvæmd milli viðburða.
- Vinsamlegast verið heima ef kvefeinkenni eða slappleiki gera vart við sig og hafið samband við miðasölu Hörpu við fyrsta tækifæri.
Nánari leiðbeiningar má finna á vef Hörpu.
Hlökkum til að sjá þig fljótt aftur í Hörpu.